Joanes 12:42 - Intas-Etipup Mat u Iesu Kristo 1863 (Aneityum Gospels)

⁴² Ja eris imyiisjis ninivaijec vai yin a ilpu atimi alupas an pece is ahinag; ja eris eti asuptecnai yin ara vai ilpu Farisi, va eri jim ahlo ra ara irai eom alaigaheni ura:

Joanes 12:42 Referans Kwoze

Joanes 9:22

Erus asan tas iji eigki ahwat atmil o un va nimtitaig nupu Jutaia urau: eris upyi asan tas alep ineigki a nupu Jutaia, um ika, el et ika tah natimi, et Kristo aien, uhpu ahlo yin an neom alaigaheni ura.

Joanes 7:13

Ja is eti tas emda vai yin tah, eris imtitai upu Jutaia ara.

Madius 10:32

Aien inyi asuptecnaig nyak an nuhup o atimi aien, ekpu asuptecnai yin ainyak an nuhup o Etmak an nohatag.

Joanes 19:38

Is wat ti pan itac nitai iji eigki is ugni Pailet a Josef nupu Aramadia, mika yi leh nohui Iesu; is atimi atahaijeg Iesu aien, jam eti asaig va nimtitai nupu Jutaia o un: is ika a Pailet yi leh yin aien. Is apan aien, um leh nohui Iesu:

Joanes 16:2

Erupu ahlo caua ara irai eom alaigaheni ura: etpu lep yetpam naopan iyehki eru wit atgei caua atimi, um aktaktai mika er ago nauritai o Atua.

Joanes 12:11

va nitai ineigki, nikavaig, eris apan a nupu Jutaia is ahinag, um asgeig irai Iesu vai yin.

Joanes 11:45

Eris wat almoi nitai iji eigki is ago a Iesu, eris asgeig iran a nupu Jutaia iji ehki is ahinag eris apan ehele Mere ara.

Joanes 9:34

Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Lukas 12:8

Ek lep asaig ehelemia ainyak mika, Aien inyi asuptecnaig nyak aien an nuhup o atimi, etpu lep asuptecnai yin a Inhal o natimi an nuhup o ilpu agelo o Atua:

Lukas 6:22

Eka mun ahesmoij aijaua eru wit edemda vai caua atimi, um ahlo caua, um atuh caua, um ethaig pan nidamia et idivaig nitai has, vai Inhal o natimi.

Lukas 23:13

Is asjapicnaig ilpu atimi ahlap esjilid a Pailet, im ilpu atimi alupas, im atimi asega,

Joanes 7:31

Eris lep asgeig iran natimi is ahinag, eris tas ara, um ika, Et wit ham a Kristo, inyi ti ago niji auritai ehka aien inyi esjilid irai itai iji eigki et ago a natimi ineigki.