Joanes 12:2 - Intas-Etipup Mat u Iesu Kristo 1863 (Aneityum Gospels)

² Eris ago nitai caig incan ara eahki an jupura; is aheca ura a Marda: is atimi is ethi a Lasarus ira ra eris ateuc ehelen ara um hag.

Joanes 12:2 Referans Kwoze

Lukas 22:27

Et esjilid a di, aien et ateuc aien um hag, ka aien et aheca o un aien? aien marom et ateuc aien um hag: ja ek amen ehelemia ainyak um idivaig naheca unyimia.

Lukas 14:12

Is lep tas aien ehele natimi ineig is imyiacaij yin, um ika, Na wit auanetha alupas aiek ka inhag alupas, jim imyiacaij ilpu apa unyum aiek, ka ilpu etoam, im ilpu atimi ehpan iram, im ilpu atimi ikni itai eblaamnem unyum; kit erupu lep imyiacaij euc ara, um aru nedo unyum:

Lukas 12:37

era mun ahesmoij a ilpu aheca iji eigki, et wat han ehele ra natimi alupas ura, um ecet ra naitgai yin vaig: et inivaijec ineig ek asaig ehelemia ainyak mika, etpu arore nijihgan aien an nitai ahid, um ika ehele ra eri ateucse ara um hag, etpu han aien um aheca ura:

Lukas 5:29

Is auanetha alupas vai yin a Livai anliin neom o un: eris ateuc ehele ra a ilpu atimi akwanaham im lep tak atimi, is ahinag ara.

Madius 26:6

Is wat amen Bedane a Iesu anliin neom o Saimona natimi lepros,