Joanes 12:17 - Intas-Etipup Mat u Iesu Kristo 1863 (Aneityum Gospels)

¹⁷ Eris asuptecnaig a ilpu atimi ahced yin mika is ahlaig vai Lasarus aien an nehpanitai, um imyinusjai yin vai inmas o un:

Joanes 12:17 Referans Kwoze

Joanes 19:35

Aien is almoi nitai iji eigki aien, is asuptecnaig aien; et idim inivaijec intas asuptecnaig o un: et ato aien mika et inivaijec intas o un, mika aki imyiisjis ninivaijec aijaua.

Joanes 12:9

Eris ato a nupu Jutaia is ahinag, nikavaig, is amen aien eahki: ja eris eti apan ara vai Iesu ache, ja eris apan ara par alum Lasarus, natimi iyehki is imyinusjai yin aien vai inmas o un.

Joanes 21:24

Et asuptecnaig nitai iji eigki a natimi atahaijeg Iesu iyehki, um lep aged nitai iji eigki: ecra ato aijama nikavaig, et inivaijec nasuptecnaig o un.

Joanes 11:42

kis ato ainyak, nikavaig, na atahaijeg nyak aiek irai iji adiat: ja ek mun asaig ainyak va atimi iji eigki era aiji arahed irak, mika eri imyiisjis ninivaijec ara, nikavaig, as abrai nyak aiek.

Joanes 11:31

Eris amen ehele Mere anliin neom a nupu Jutaia, um ataraces yin; eris wat alum yin ara natidaivaig, um auroauro um alau ijo, eris apitac yin ara, um ika, Et apan aien u nehpanitai, mika yi taig eahki.

Joanes 1:34

Kis ecetai ainyak um asuptecnaig, um ika, Inhal o Atua ineigki.

Joanes 1:32

Is asuptecnaig a Joanes, um ika, Kis ecet Nesgan Upene ainyak is ahes an nohatag um asuol is idivaig nalaupa, um amen iran:

Joanes 1:19

INTAS o Joanes ineigki an naopan iyehki eris abrai ilpu atimi ahlap im ilpu mapoi Livai a nupu Jutaia mika eri ahes Jerusalem ara, um apan, um ahodai yin, um ika, Aiek di aigki?