Joanes 12:16 - Intas-Etipup Mat u Iesu Kristo 1863 (Aneityum Gospels)

¹⁶ Eris eti fi ato nitai iji eigki a ilpu atimi atahaijeg yin an naopan iyehki; ja eris wat ehvaig natimi alupas a Iesu, eris imyiehva ara mika eris upyi aged nitai iji eigki vai yin, um lep ago nitai iji eigki iran.

Joanes 12:16 Referans Kwoze

Joanes 2:22

Is wat nusjai aien vai inmas o un, eris imyiehva a ilpu atimi atahaijeg yin intas ineigki is asaig ehele ra aien; eris imyiisjis ninivaijec intas ineig ara eris upyi aged, im intas ineig is asaig a Iesu.

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 7:39

(Is asan tas ineigki aien va Nesgan Upene, aien aigki erupu leh yin a ilpu atimi asgeig iran: eris pam eti alupa atimi Nesgan Upene an naopan iyehki; va nitai ineigki, nikavaig, eris eti fi ehvaig natimi alupas o Iesu.)

Joanes 12:23

Is tas ehele rau a Iesu, um ika, Et mun ubutpotet u naopan ineig uhpu ehvaig natimi alupas o Inhal o natimi.

Joanes 16:4

Ja ek mun asupecnaig nitai iji eigki ehelemia ainyak, mika, et wit yetpam naopan iyehki, aki imyiehva aijaua intas unyak ehelemia. Kis eti fi asuptecnaig nitai iji eigki ehelemia ainyak itu acen, va namen unyak ehelemia:

Lukas 24:45

Is asalgei inliinmopura aien, mika eri ato ara intas eris aged,

Lukas 24:25

Is ika ehele rau aien, Ak ohwat atimi ahnag, et auatialidi inliinmopomirau aijaurau par imyiisjis ninivaijec intas asega eris asaig a ilpu profeta:

Lukas 18:34

Eris eti ato nitai iji eigki ara: eris adenaig intas ineigki vai ra, eris eti ato nitai iji eigki ara eris asuptecnaig.

Lukas 9:45

Eris eti ato intas ineigki ara, eris adenaig vai ra, va nitai ineig, eris eti ecetai ara: eris imtitaig ara inlep ahodai yin vaig vai intas ineigki.

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.