Joanes 11:41 - Intas-Etipup Mat u Iesu Kristo 1863 (Aneityum Gospels)

⁴¹ Eris atipagki inhat ara an nuarin iyehki eris ati natimi mas iran. Is easji pan a Iesu, um ika, Ak Etmak, naaurineig, na mun atahaijeg nyak aiek:

Joanes 11:41 Referans Kwoze

Madius 11:25

An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Lukas 10:21

An nuarin-nadiat iyehki is imyiacitak inliinmopoi Iesu, um ika, Ek naaurineig vai euc ainyak, ak Etmak, Natimarid an nohatag im nobohtan, va nitai ineigki, nikavaig, as adenaig nitai iji eigki aiek vai ilpu atimi arapakau im ilpu atimi esjilid an nato itai, jam asuptecnaig ehele ilpu halav: maiya, ak Etmak; is idim ucco inliinmopom aiek.

Lukas 18:13

Is aiji itac acen a natimi akwanaham, is pam eti easji pan an nohatag aien; is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.

Madius 11:26

maiya, ak Etmak: is idim ucco inliinmopom aiek.

Madius 27:60

um ati an mun nij mat o un, is ahti aien: um atcelcaig inhat alupas um atapanes an neucsen mun nij, um atga o un.

Lukas 24:2

Eris ecetai inhat ara eris mun atcelcaigpagki u unmun nij.

Joanes 11:22

ja ek ato ainyak, nikavaig, etpu idim alupai euc nitai ineig a Atua an naopan ineig, napu lep ugni Atua vaig aiek.

Joanes 20:1

AN nadiat uhup irai wiik is apan a Mere nupu Maktala u unmun nij an nuhihialeg, an naupataupat, um ecetai natipagkivaig inhat an mun nij.