Joanes 1:42 - Intas-Etipup Mat u Iesu Kristo 1863 (Aneityum Gospels)

⁴² Is imyiapan yin ehele Iesu aien. Is wat ecet yin a Iesu, is ika aien, Na Saimona aiek inhal o Jona: uhpu anvi nidam par ika Sifas, (nesgan tas ineigki, Pitrus, Inhat.)

Joanes 1:42 Referans Kwoze

Madius 10:2

Nidai ilpu apostolo is twelv iji eigki; Is uhup a Saimona, tak idan Pitrus, im Antrius etoan; im Jakobus inhal o Sebetaius, im Joanes etoan;

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Joanes 21:2

Eris amen an nuarin is ethi a Saimona Pitrus, im Tomas, tak idan Titimus, im Nadanyel nupu Kena an pece Calili, im ohwat hal o Sebetaius, im lep natimi atahaijeg yin is ero is eche.

Joanes 13:18

Ek eti tas ainyak vai caua asega: ek ato ainyak natimi iji eigki kis ehtai ra ainyak: ja va uhpu ehneijid intas eris aged, um ika, “Aien et hag ehelek aien, et mun atijai nijinalak an neduon aien vai nyak.”

Lukas 6:14

Saimona, (is lep anvi nidan aien par ika Pitrus,) im Antrius etoan, im Jakobus im Joanes, im Filipus im Bardolomius,

Joanes 4:16

Is um ika ehelen a Iesu, Apan aiek, um ahlaig vai natamnyu unyum, um lep apam igcaki.