Joanes 1:34 - Intas-Etipup Mat u Iesu Kristo 1863 (Aneityum Gospels)

³⁴ Kis ecetai ainyak um asuptecnaig, um ika, Inhal o Atua ineigki.

Joanes 1:34 Referans Kwoze

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Madius 4:3

Is apan ehelen natimi oop yin, um ika, El et Hal o Atua aiek, namu ika aiek yi areto inhat iji eigki.

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Joanes 19:7

Eris um ika ehelen a nupu Jutaia, Et eteuc intas alep unyima, et upene mika yi mas aien vai intas alep unyima va nedo o un, nikavaig, is ika aien, Ek Hal o Atua ainyak.

Joanes 11:27

Is um ika ehelen aien, Maiya, ak Natimarid: ek imyiisjis ninivaijec ineig ainyak, nikavaig, nai Kristo aiek, Inhal o Atua, eris ika, Etpu ham aien an nobohtan.

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Madius 27:43

is asgeig irai Atua aien; etmu imyiatamaig yin aien, el et aiyu inliinmopon aien vai yin: is ika aien, Ek Hal o Atua ainyak.

Madius 27:40

um ika, Aiek na auahas neom ahlap aiek, um lep actaig an nadiat et eseij, namu imyiatamaig euc aiek: el et Hal o Atua aiek, namu asuol an nauincai atgeig aiek.

Madius 26:63

Ja is eti tas a Iesu. Is tas a natimi esjilid an nahlap, um ika ehelen, Ek asaig ehelum ainyak vai Atua umoh, mika an asuptecnaig aiek ehelema, mika nai Kristo aiek, Inhal o Atua, ka o’o.

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Lukas 3:22

is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Madius 16:16

Is tas a Saimona Pitrus, um ika, Nai Kristo aiek, Inhal o Atua umoh.

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 8:29

Erus ahlaig arau, um ika, Nai merit aiek vanhe ehelumrau, ak Iesu, Inhal o Atua? na mun ham aiek mika ecri fi ohocred aijama an naopan ineig, ka o’o?

Madius 4:6

um ika ehelen, El et Hal o Atua aiek, namu aliaujaise aiek: eris aged, um ika, “Etpu tas alep ehele ilpu agelo o un aien vai euc:” “erupu aposjai euc irai ikmara ara, va an jim atgeig yi oplec neduom aiek an hat.”

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.

Joanes 10:30

Ek tup ethi ache ainyak im Etmak.

Joanes 6:69

ecra imyiisjis ninivaijec aijama um ato, nikavaig, nai Kristo aiek, Inhal o Atua umoh.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.