Joanes 1:19 - Intas-Etipup Mat u Iesu Kristo 1863 (Aneityum Gospels)

¹⁹ INTAS o Joanes ineigki an naopan iyehki eris abrai ilpu atimi ahlap im ilpu mapoi Livai a nupu Jutaia mika eri ahes Jerusalem ara, um apan, um ahodai yin, um ika, Aiek di aigki?

Joanes 1:19 Referans Kwoze

Joanes 10:24

Eris asjapicnaig pan ehelen a nupu Jutaia, um ika ehelen, Na ika aiek ecri amen aijama um aktaktai um yetpan eig id? el et Kristo aiek, asuptecnaig upene ehelema.

Joanes 2:18

Eris tas a nupu Jutaia, um ika ehelen, Na auri aiek par ago nitai iji eigki? nev itai asjaaicnaig unyum ineig napu ehvaig imi cama aiek?

Joanes 5:10

Eris um ika a nupu Jutaia ehele natimi iyehki eris ago cehcehe yin, Nadiat atumop ineigki: et itaup naposvaig nitai ahled unyum.

Joanes 6:52

Eris imyiisjis jipe ira ra a nupu Jutaia, um ika, Etpu alaaija nohun a natimi ineigki um uauo, mika tupu caig akaija?

Joanes 6:41

Eris tas upoupo vai yin a nupu Jutaia va nitai ineigki, is ika aien, Ek itai caig ineig ainyak is ahes an nohatag um asuol.

Joanes 1:7

Is ham aien par asuptecnaig Nitai lah, mika eri imyiisjis ninivaijec natimi asega vai yin.

Joanes 2:20

Eris um ika a nupu Jutaia, Eris acta neom ahlap ineigki irai mesese is forte im siks, inyi ehka vai euc nagovaig an nadiat inyi eseij ache.

Joanes 5:15

Is atga o un a natimi iyehki, um asuptecnaig ehele nupu Jutaia, um ika, Iesu iyehki is ago cehcehe nyak aien.

Joanes 5:16

Eris atmas vai Iesu a nupu Jutaia, um tas jipe mika eri atgei yin, va nedo o un, nikavaig, is ago nitai iji eigki aien an nadiat atumop.

Joanes 5:18

Eris tas emda jipe a nupu Jutaia mika eri atgei yin, va nedo o un, nikavaig, is auahas nadiat atumop aien, is lep ika aien, Et Etmak a Atua, um ika is apa vai Atua aien.

Joanes 7:1

Is wat ti pan itac nitai iji eigki, is atga sjipe a Iesu an pece Calili: is eti merit aien natga jipe vaig an pece Jutaia, va nitai ineig, nikavaig, eris ika a nupu Jutaia eri atgei yin.

Joanes 7:11

Eris ahilek yin u nasjapicnaig a nupu Jutaia, um ika, An yek eda aien?

Joanes 7:15

Eris imyiali a nupu Jutaia, um ika, Et ato nitasvitai a natimi ineigki vai di, eris eti esege imi yin?

Joanes 8:22

Eris ika a nupu Jutaia, Etpu ispun atgei yin aien, ka o’o? is ika aien, Inyi ehka vai caua napanvaig an nuarin ineig ekpu apan iran ainyak.

Joanes 8:48

Eris tas a nupu Jutaia, um ika ehelen, Et inivaijec intas unyima, nikavaig, na upu Samerya aiek, et lep amen ehelum a nagelo has.

Joanes 8:52

Eris um ika ehelen a nupu Jutaia, Ecra idim ato aijama mika, et amen ehelum a nagelo has: is mas a Ebraham, im lep ilpu profeta; ja na ika aiek, El et apol an tas unyak tah natimi, inyi idim eti mas aien: --

Joanes 8:57

Eris um ika ehelen a nupu Jutaia, Et eti fifte inmesese iram, is ehka vai euc nalmoi Ebraham vaig.

Joanes 10:31

Eris lep arapse vai hat a nupu Jutaia mika eri asji yin.

Joanes 11:19

eris apan ehele Marda im Mere a nupu Jutaia is ahinag, par ataraces rau vai natamaig ira rau.