Vilemoni 1:6 - Ata New Testament

⁶ Nenge nengei lopala na'a nenge vilesisi axone, laso eni alinga noxou Mosinge lexe u'oxonu lavulavu noxinge no anu mimi lailaixe e texalisou noxou Kalaisiti uleme tatila.

Vilemoni 1:6 Referans Kwoze

2 Pita 1:8

Loxo telemolu, ngingi ngexa­lisou lavulavu manina sou Tatananenge Iesua Kalaisiti. Laso loxo ili'ilixo laixe ano'o upita no anu lavulavu ne mo uleleme xe ulolutu noxinge la xoluxolungenge xalusou vitanisi uasi, anu uxalixu temanu laixe.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.

Tiemisi 2:17

Mo anu axone no anu lopala kalumo. Xo loxo ulili vitanisi xe uxalixu ilixosou laixe uasi, la anu upalasi lexe anu mauli no anu uasisi.

Tiemisi 2:14

Ioxe tavivilo, loxo itema vile u'oxo lexe anu ulopala ia loxo upala'anixu no anu ilixosou laixe uasi la anu mi ne temanu uasi ane. Axova, lopala kaini axone upamaulinu? Uasi to.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

Taitusi 3:14

Xe napelototosi'a tamitema­menge so ilavu laixe no anu vote'i so su'uli. Laso loxo tamitema isoti no anu mi ma'ia xe isu'uline'i la uxalixu nene'axu laixe ane.

1 Kolini 14:25

Mo mimi ane italumeu no opone'i la upala'asi. La ane'i ilu'ene'i mo imama'u noxou Mosinge. Mo ivi­kala lamana lexe, “Manina mise­vile, Mosinge molu uxoxolu no taingengi 'o!”

1 Pita 3:16

Ia loxo ngakoline'i la ngataxane'i laixe so ngavikala se'isisi noxi'a. Xe nga'oxonu ilixo ulapusi mo so tangengi uai se'isisi mo uto'omengi uasi. Xo loxo nga'oxonu ilixo laixesi so ngamulinu Kalaisiti kaio ipupuie­ngixu la anu upalasi no ie'i tamitema mole ane'i ane ito'o­menge ne itavulenu mailasousi.

1 Pita 3:1

Mo axone kalumo noxinge tasema itaula'i. Ngalu'engengi noxi'a tamulumengi mo so loxo se'i noxi'a ilomuxu vaikalaou Mosinge uasi la xoluxolungenge ulapune'i ane. Xo manina, ngato'ome'a no anu vaikala vile uasi,

Pilipai 4:8

Ioxe tavivilo, vaikalaxeli telexu aloxo 'o. Utotomu xavutalamengi uxoxolu no anu mi ane kalavoi no anu uasi xe mi laixe so tataxanu xe mi ane ulapusi xe mi ane malemalenga xe mi ane so sexelasi xe mi ane tamitema ivikalasou laixesi. Ani, ngaxavutalanu mimi ane lailaixe u'uli'uli xe mimi ane temanu laixe so ta'itinu axonesi.

1 Kolini 16:9

Axolu se 'o xo Mosinge mu'oxonu vote'i so a'oxonu xaixai tatila no taine'i Ta'epesusi. Ia tamitema so xilili tavu'alo to!

Kolosi 3:10

Nge­xexenu ka ngetelonu mauli alavua. Mosinge mukoi­ngengi ngexali tamitema ta'alavua axone mo a uxiuxiungengi so ngaxali ta'ala­vuala. U'oxongengi axone so ngaxali loxo anu molu mo lavulavu noxinge sou ulomotelesi.

Matiu 25:16

Xe no anu voxo se anenesi la anu ane muno'u 5,000 kina ne musoko'u so uxaxaisou. Muxaxaisou xo la muxalisou 5,000 no latanula.