Vilemoni 1:24 - Ata New Testament

²⁴ Mo tamenexilo no anu xaixai e Maki xe Alisitakusi xe Temasi xe Luku ivikala aso noxine kalumo.

Vilemoni 1:24 Referans Kwoze

Kolosi 4:14

Xe Luku e tokota ane tasexelaxu manina ilou Temasi ivikala aso noxinge.

Kolosi 4:10

Ioxe, Alisitakusi e noxou taxolu takalavusu 'o muvikala aso noxinge. Xe Maki e Vanavasi vimou tavuna anu kalumo ukalanu aso noxinge. Loxo une'e noxinge la nga'osasou so nga'unanu noxinge aloxo ele­molu no anu vaikala ekalanu noxinge mukalu.

Ta'aposeli 19:29

Mi'oxo axone laso tatemanu tuala ne miiauka­kasou e lapilai uasisi. La tamitema se'i mikasi'a Xaiusi ilou Alisita­kusi. Ane'i ilou oli'a Poluena me'a ne Masetonia mine'e mala'o. Mikasi'a xe alaxu vilesisi milaixi'a no tanixu pita so tuala ne.

Ta'aposeli 12:12

Mula­mana axone mukalu la mulai muxali no tasie Malia e Tioni nenu. Tioni ne ualasou vilela lexe Maki. No tani ne talopala tapiena mipita mo ane'i a ivivikala noxou Mosinge.

Ta'aposeli 27:2

Nexi telutu la tetelo no anu lasipi vile so tuala Atamitiumi. Anu lasipi ne so ulutu la tamosou mi'oxo lexe iaveiavexu umomoxu tuatuala muxolu no luaki ne Esia polovinisi. Nexi telutu mo telai la Masetonia vile, ualasou lexe Alisitakusi so tuala Tesalonaika a noxi'a telai.

Ta'aposeli 12:25

Xe Vanavasi ilou Sauli mikalusou xaixai noxi'a ne Ielusalemo la oli'a Tioni Maki milivu milai ne Anitioki.

3 Tioni 1:8

Laso anu laixe so tavalaxa'a tamitema axone no anu su'uli noxinge xo axone la nenge tava'isu­ne'i no anu xaixai so vaikala anu temanu manina.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Pilipai 2:25

Ia exavutala lexe laixe so apalusou vivinge Epavilotitusi ulivu une'e noxinge. Anu muva'i­suleli no anu xaixai noxilo mo muveisa'ileli no anu oto e taxolu no anu 'o. Musu'ulileli aloxo ngingi menge ngepalusouxu 'o.

2 Kolini 8:23

Xe noxou Taitusi 'o la ngingi ngelavusou mukalu lexe anu vaita­mixeli xe anu ulavusou uva'isuleli no anu xaixai no taingengi. Mo noxi'a tavivinge tamei 'o tatemanu pitapita mipa­lusi'a so isosovosi'a. Ane'i ilou ilavusou i'itinu iaxu Kalaisitisi.

Ta'aposeli 13:13

Ioxe, Poluena milutu no tuala ne Pavosi la lasipi muno'a milai no tuala Pexa e no xale lia ne Pamivilia. Mixali ne Pamivilia la Tioni Maki mupilixine'i ane so mulivu mulai ne Ielusalemo.

1 Pita 5:13

Ane'i tatemanu pita so taoni Vaviloni 'o ivikala aso noxinge. Ane'i ne Mosinge muilongengi ngoli'a lexe tamitemaou. Xe alixeli Maki anu kalumo uvikala aso noxinge.