Vilemoni 1:17 - Ata New Testament

¹⁷ Laso ane, loxo nasaxisilo aloxo amenexine no anu xaixai noxou Kalaisiti la na'unanu Onesimusi noxine a loxo anu a eni ne.

Vilemoni 1:17 Referans Kwoze

2 Kolini 8:23

Xe noxou Taitusi 'o la ngingi ngelavusou mukalu lexe anu vaita­mixeli xe anu ulavusou uva'isuleli no anu xaixai no taingengi. Mo noxi'a tavivinge tamei 'o tatemanu pitapita mipa­lusi'a so isosovosi'a. Ane'i ilou ilavusou i'itinu iaxu Kalaisitisi.

Matiu 10:40

Xe Iesua muvikala aloxo 'ola, “Loxo itema u'osasinge so nga'una noxou la ngingisi uasi, anu u'una­leli ane. Mo loxo u'osasilo so a'una noxou ne la enisi uasi, anu u'unanu anu ane mupalusilo ene'e 'o.

Vilemoni 1:12

Mo a apalusou ulivu une'e noxine, ia anusi uasi xo opoleli umulinu kalumo.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Ta'aposeli 16:15

Milamana axone, laso ane oli'a tatemanu tasie mixalisou ilixo so kelele. Mukalu laso Litia mivikalanexi lexe, “Loxo ngatilovosilo lexe eni elopala manina noxou Tatananenge 'o laso ngane'e ngaxolu no tani noxilo.” Mivikala axone la miuolotetesi xo mole nexi telai.

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Matiu 18:5

Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi. Eni ane.”

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

Vilemoni 1:10

Enisi a akatu noxine lexe oponeni lexa noxou alixeli Onesi­musi. Eni amomu no anu lopala xo exolu ekalavusu 'o la mune'e noxilo xe evotovotonu, laso mulopala.

1 Timoti 6:2

Xe tamitema tasilevi ane tatanane'i Mosinge ta'olu kalumo la mamu so i'oxo lexe, “Ai, anene vivilo no anu lopalasi, laso eni alomuxu to uasi.” Ivikala axone uasi, ivikala aloxo 'o. “Eni masi xavileliou xaixai noxou vivilo 'o so asu'ulinu. Eni asexelaxu xo anu kalumo ulopala noxou Tatana­nenge ane.” Vaikala ano'o navotone'i Mosinge ta'olu mo napelototosi'a laixe no anu.

Pilipai 1:7

Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

Vilemoni 1:18

Xe loxo mususunixine vile o tina'uxu noxine la naxiunu mo so eni ualasilo uai no anu tina'u ne.