Taitusi 3:6 - Ata New Testament

⁶ Xo no anu xaixai noxou Iesua Kalaisiti anu Itema so Pamauli la anu munixi'u Ulenu Laixe noxinge laso tepalava noxou.

Taitusi 3:6 Referans Kwoze

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Tioni 16:7

Ia alemolu vaikala e maninasi aloxo 'o, eni axexesinge 'o la anu so su'ulisinge ane. Xo loxo axolu la Mosou Su'uli une'e noxinge uasisi. Ia loxo eni alai, la eni apalusou une'e noxinge 'o.

Tioni 1:16

Anu mosou iaiama la no anu iaiama mulolutu noxou ne la upilipilixinu noxinge.

Taitusi 1:4

Lapasi ano'o ulai noxine nini Taitusi. Lopala na'a nenge vilesisi mo nini na'alixeli no anu lopala ne. Eni amasaxau lexe nini naxamulinu iaiama mo xoluxolu lalavulusi noxou Mosinge anu Maminge ilou Kalaisiti Iesua anu Mosou Pamauli noxinge.

Epesusi 4:2

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Lomu 8:2

Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

Ta'aposeli 2:33

Mosinge mutulusou no anu soli ka mulaixu mo mutalupexasou no avolu tema so u'itinu. Mo mulosou Ulenu Laixe la munixi'u noxixe vaimomo 'o aloxo ngingi ngasaxisou mo ngalomusou.

Tioni 7:37

Ioxe, mune'e xe muxali no anu voxo kaluxusou e mutiatila so lavilelu ne. La Iesua mutulu ka mu'ava lexe, “Loxo itema vile usoliou lexa, la anu une'e noxilo mo uiesi.

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Lomu 2:4

Xo vaimomo 'o Mosinge uiaiama noxinge mise­vile so ukolinu susu noxinge palea uao. Anu uxoxomaiengi so ngaxiu­nu opongengi mo nga'isalilinoxu noxou. Ngingi ngamaisou sexela noxou axone ia anu loxo ulapu­ngengi uasi. Masi nge'oxo lexe anene mi vitanisi, ne?

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.