Taitusi 3:5 - Ata New Testament

⁵ Sila maixene anu mupamaulinenge. Mupamauli­nenge ia tava'u noxinge uasi xo nenge ta'oxonu mi vile ulapu uasi. Mi ne, mi so alauna noxou xo ukolinu susu noxinge uasi. Anu mu'ulosinge mo muxalinenge ta'olu ta'alavua noxou Ulenu Laixe.

Taitusi 3:5 Referans Kwoze

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

1 Kolini 6:11

Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.

1 Pita 3:21

La anu axone kalumo ilixo so kelele anu latilovosou pamauli e muxa­lisinge. Anu mi so uxexenu mi masua no anu vasimenge uasi. Anu vavalima noxou Mosinge lexe nenge taxolu tanenge malemalenga no iou, la tava'u xo anu mutulusou Iesua Kalaisiti no anu soli.

1 Pita 1:3

Nenge'a ta'itinu ualasou Mosinge e Mosou xe Momu Tatananenge Iesua Kalaisiti xo anu mu'alauna­singe misevile aloxo 'o. Anu mutulusou Iesua Kalaisiti no anu soli la no anu vote'i anene muxa­lixu mauli alavua noxinge. Laso maixene nenge'a talopalanu taxomaiou mauli ane tasiauxula uasi.

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

Epesusi 2:4

Ioxe, xoluxolu noxinge axone, ia iaiama noxou Mosinge mulolutu e mulolutu. Xo anu musexela­nengesi mo sexela noxou singe mupala'a aloxo 'o.

Epesusi 5:26

Mo anu mukalipalanu lexe noxou mu'isalili. Mukalipalanu, ia tei la anu mu'uinenge nenge tatemanu no anu vaikalaou.

Lomu 11:6

Tava'u so muso­sovosi'a ne no anu iaiamasi, mi so xaixai uasi. Xo loxo ukaline'i no anu xaixai laixe noxi'a la anene mi so iaiama uasi.

Ipilu 4:16

Laso ta'ume uasi, talai alai no anu sia kingi noxou Mosinge xo anene tanixu iaiama. Talai axone laso taxamulinu lexe anu tanunenge ane. Mo loxo mi ma'ia uxalisinge la uiaiama so usu'ulinengesi.

Kolosi 3:10

Nge­xexenu ka ngetelonu mauli alavua. Mosinge mukoi­ngengi ngexali tamitema ta'alavua axone mo a uxiuxiungengi so ngaxali ta'ala­vuala. U'oxongengi axone so ngaxali loxo anu molu mo lavulavu noxinge sou ulomotelesi.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

1 Pita 2:10

Xo tatei ngingi tamitema so ngelili vitanisi ia vaimomo 'o ngingi ngaxolu laili e tamitemaou Mosinge. Tatei ngaxalisou alauna vile uasi, ia vaimomo 'o a ngexalisou alauna noxou mukalu.

Epesusi 4:23

Ngasisinu ane tei mo utotomu ngasakinu xoluxolu alavua so usu'asinge. Xo no anu xoluxolu alavua ne Mosinge molu muxalingenge tamalemalenga mo talapu. Mo so axone la xavutala no opongengi uxali alavua mo laixe kalumo.

Lomu 3:28

Mo vaimomo 'o telavu lexe tamitema ixali tamalemalenga no iou Mosinge loxo ipilixine'i ilopalasi. Loxo tamitema opone'i utulu no anu lo, la ipune'isi ane.

Lomu 9:11

No voxo loxo ivo'o uao la Mosinge muilounu vile noxi'a no anu masaxa noxou. Ane'i i'oxonu ilixo vile laixe o masua so uiloune'i no anu xaixai noxi'a uasi. Anu mumulinu loxo anu molu mulalaxinusi.

Luku 1:78

Xo Mosinge oponu mamalaxu mo u'oxonu iaiama la upalusou Tatananenge molu teitexi une'e. Anu uxali loxo aso uxali no loxotolo.

Luku 1:54

Anu musu'ulinu itema so xaixai noxou e Isilaeli. Anu oponu ututu­luou vavalima so iaiama noxou.

Luku 1:50

Xe noxi'a tamitema so tatei xe vaimomo 'o xe ili'i, la uiaiamane'i ane'i ta'ei imama'u noxou.

Taitusi 3:4

Texolu axone ia Mosinge anu mosou pamauli tanunenge misevile la sexela noxou singe tamitema mupala'a.

Lomu 9:30

Ioxe, nenge tavikalasi'a Ta'isi­laeli axova? Xo tamitema noale'ale ne ane'i sasaie'i so me'a ixali tamalemalenga uasi. Ane'i milopa­lasi laso maixene mixali tamale­malenga no iou Mosinge.

Lomu 9:16

Laso ngamaisou, anu mi so masaxa o xaixai noxou itema uasi. Anu mi so iaiama noxou Mosingesi.

Lomu 4:5

Ia vote'i so itema uxali malemalenga no iou Mosinge anu mi so xaixai axone uasi. Vote'i ne aloxo 'o. Itema ne uxali lamana no anu susu noxou xe ulopala no anu xaixai noxou uasi, upilixinu noxou Mosingesi.

Luku 1:72

Anu mu'oxonu iaiama noxi'a ta'ilusunenge mo anu oponu utu­tuluou vavalima noxou.

Ipilu 6:6

Ioxe, loxo vaikala manina upalasi noxi'a tamitema axone ia ili'i ixiunu tumali'aou mo ixexesou la vote'i so ixiunu opone'ila uasi manina. Xo i'oxo axone la anu loxo ane'i me'a ililixu Mosinge Olu no ovu valautula mo ilosou maila no ie'i tamitema.

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Lomu 11:14

Xo aloxo 'o. Eni amasaxau lexe a'avutinoxu opone'i tatemanu tualasilo. Xo loxo imaisou nene'axu xaixai noxilo no taingengi la ane'i imasaxau kalumo. Mo loxo imasaxau la ane'i masi ixalisou pamauli kalumo.

Ipilu 10:22

Laso nenge talai alai mo oponenge lamana mo lopala noxinge pumuxu avile. Xo Kalaisiti mupeinu sialuxu noxinge so mu'uinu susu ane tanenge muto'omengexu mo mu'uinu vasi­menge no anu lexa malemalenga.