Taitusi 3:11 - Ata New Testament

¹¹ Ngaxiunu tumali­ngeou xo itema axone ngalavu lexe susu noxou ne usakinui ane. Anu molu mumaxa'u oponu no anu ilixo noxou ne.

Taitusi 3:11 Referans Kwoze

Ipilu 10:26

Xo aloxo 'o. Loxo nenge taxalisou lavulavu no anu vaikala e manina ia ili'i loxo taxiu tumalinge so tapolo no anu mi ane talavu lexe sususi, la mi vilela so ulotonu susu noxinge uasi e uasi manina.

Ta'aposeli 15:24

Nexi telomu lexe tamitema se'i noxixe ane'i milai noxinge vitanisi, nexi tapalusi'a uasi. Ane'i milai la mikuluke­ngengi no anu vaikala mo mi'oxonu opongengi tu'umaxu.

Tioni 3:18

Ioxe, laso ena'ei ulopala noxou Olu la itema ne uxolu no laxu vaikala so mamulo so susu noxou uasi. Ia ena'ei ulopala uasi la a uxolu no laxu vaikalasou mamulo mukalu ne, xo anu ulopala noxou Mosinge Olu e soxu vilesisi ne uasi.

Luku 19:22

La kingi muvikalanu lexe, 'Nini uokuvoi masua to! Eni atulusine no anu vaikalamenisi ne. Xo nelavu lexe eni amitema so loxo tamitema isusunixo la alosi'a ialuxu. Mo alavusou axalisou nene'axu xaixai noxi'a se'i xe a'elesou temanu xai ane atounu uasi.

Taitusi 1:11

Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

2 Timoti 2:14

Ioxe, utotomu nalivunoxu xavu­talai'a Mosinge ta'olu no anu vaikala ano'o mo napelototosi'a pakia'u no iou Mosinge lexe mamu so ipelesou anaxa'aou laxu vaikala kitukitu. Xo ilixo axone uxalixu nene'axu to uasi, anu umasuane'i tamitema ane ixolu ilomusousi ane.

Lomu 3:19

Laso tamaxale axova? Mosinge mulosinge nenge Taiuta lo noxou, mo nenge taxolu no laxu. Anu vaikala no anu lo ne uto'omenge mukalusi. Laso nenge saenenge uxola, xo nenge mukalusi tesusu no iou Mosinge.

Ta'aposeli 13:46

La Polu ilou Vanavasi mivikala pakia'u noxi'a tatiatila ne aloxo 'o, “Anu masaxa noxou Mosinge so nexi tapala'anixu vaikala laixe ano'o noxinge ngingi Taiuta tei. Ia ngingi a ngaxiunu tumalinge no anu vaikala ano'o mo ngingi menge ngemaxa'u lexe xoluxolu kaluxu uasi 'o la opongengi uxililousi. Laso ngingi ngalomu, vaimomo 'o nexi noxou taa'alomengila uasi. Nexi tapala'anixu vaikala laixe ano'o noxi'a tamitema noale'alesi.

Luku 7:30

Ia ane'i Tapalisi oli'a tamitema so lavulavu no anu lavuloto la mixiunu tumali'aou vote'i laixe e Mosinge mulala­xisi'a ne. Ane'i anene ilai so Tioni u'oxonu ilixo so kelele noxi'a uasi.

Ta'aposeli 23:25

Mo kalumo anu mukaukavunu lapasi so ilaixu aloxo 'o.

Taitusi 1:14

Napelototosi'a lexe ilomuxu ngalo noxi'a Taiuta uasi. Xe ilomuanu lo noxi'a tamitema ane ixiunu tumali'aou vaikala manina.