Taitusi 2:7 - Ata New Testament

⁷ No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

Taitusi 2:7 Referans Kwoze

1 Pita 5:3

Xe nga'itingengi noxi'a tamitemaou Mosinge ane mupilixunu no avonge ka ngapa­muxane'i so nga'uli laxune'i vitanisi mamu. Nga'uli noxi'a tasipisipi aloxo pikisa laixe so ane'i imaisinge kaio imulingengi no anu.

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

Pilipai 1:10

Mo so axone la ngingi ngatilovosou mimi mukalusi ka ngailounu aneva laixe mu'uli'uli. Laso no anu voxo noxou Kalaisiti olele la ngingi ngaxolu ngamalemalenga mo mi vile so ngamailamulinu uasi.

2 Kolini 4:2

Xe nexi telalaxinu oponexi lexe ili'ilixo ane tamitema i'oxonu ka italumeu xo imailamulinu ne, nexi talai no anu uasisi. Laso muamua'inexe no anu kalavoi uasi xe taxiuxiunu laxu Mosinge vaikalaou uasi. Nexi talavusou talanu vaikala maninasi mo so anu upalasi no tane'i tamitema lexe xaixai na'a nexi ulapu no iou Mosingesi.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

2 Tesalonaika 3:9

Loxo nexi tamasaxau la nexi laiti so tano'u su'uli noxinge no anu vasimexe. Ia uasi, tano'u uasi xo temasaxau taxali pikisa laixe no ienge so ngamulinu ilixo noxixe.

Epesusi 6:24

Ngingi ne ngasexelaxu Tatana­nenge Iesua Kalaisiti mo sexala noxinge umomomo so tasiaxu vitanisi uasi. Laso maixene ngaxa­mulinu iaiama noxou Mosingesi. Anu anesi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

2 Kolini 8:8

Ia amulaxu lo noxinge no anu uasi. Epela'inge lexe ane'i leviani mi'osa so isu'uli axone mo so utovonu sexela noxinge. Mo so axova, ngingi kalumo nga'osa so ngasu'uli axone o uasi?

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.