Taitusi 2:12 - Ata New Testament

¹² Xe iaiama noxou Mosinge ne ulosoiengixu vote'i so tapilixinu ili'ilixo ane uxilililiou Mosinge oponu. Mo so masama­saxa so mimi so lialia xe no anu vasimenge upamuxanenge uasi. Nenge taxolu no taitaine'i tamitema so lialia 'o ia iaiama noxou ne mulosoiengixu xoluxolu ane mula­pusi mo u'isalili no anu masaxa noxou.

Taitusi 2:12 Referans Kwoze

Matiu 16:24

Mukalu la Iesua muvikalane'i tatisaipeliou lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'u­maxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Lomu 6:19

O tamaula, eni a'oxonu vaikala latilovo aloxo 'o xo vaikala ano'o u'asi'asi mo ngingi pakia'inge uao. Ia ngalomu. Tatei la ngepilixinu vasimenge pa'upa'usou no anu susu so mu'uli laxungengi. Mu'uli laxungengi laso ilixo noxinge mukilikalu mulolutu. Tei la nge'oxo axone, ia vaimomo 'o ngapilixinu vasimenge pa'upa'usou no anu ilixo malemalengasi. Nga'oxo axone xo Mosinge molu mukalipalangengi lexe ngingi tamitemaou mu'isalili.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

1 Tioni 2:6

Loxo evile u'oxo lexe “Eni epita axolu nonano noxou Mosinge a,” la anu masi muamua'i noxou aloxo muamua'ixu Kalaisitisi.

2 Timoti 3:12

Xo manina, tamitema mukalusi ta'ei ane ipita noxou Kalaisiti Iesua mo imasaxau xolu­xoluxa'a ulovou masaxa noxou Mosinge, la itavulenu xililisousi.

Mupala'a 14:12

Ioxe, mimi axone uxali ili'i laso avikalangengi tamitemaou Mosinge u'isalili lexe ngaxolu pumu­ngengesi. Xo ngingi ne ngaxolu ngamulinu lo noxou Mosinge mo lopala noxinge a noxou Iesuasi.

Luku 1:75

Mo so axone la utotomu taxolu tamalemalenga mo talapu no iou umomomo no anu telexu voxosinge 'o.”

1 Tesalonaika 4:7

Mosinge mu'avalinge so tamulinu ili'ilixo nuni'u axone uasi. Mu'avalingexu xoluxolu malemalengasi.

Taitusi 3:3

Xo nenge tei la texolu texovulaulau mo talomuxu Mosinge vaikalaou uasi. Texovulaulau xo Uluaou mu'oxo lolonenge mo masamasaxa no anu vasimenge mu'avutinoxu osa vita­nisi no oponenge. Texolu opo­nenge sixula mo teisuisu mo tematapianenge ngato'o.

1 Tesalonaika 4:9

Ioxe, no anu ngiou so sexela no taingengi ngingi Mosinge ta'olu la eni vaikala so apela'ingexu uasi. Xo Mosinge molu mulosoingexu vote'i so ngasexelangenge ngato'o mukalu.

Epesusi 2:2

Mo no voxo anene la opongengi mututuluou ili'ilixo masumasua so lialia 'osi. La ngemulinu masaxa noxou tatila noxi'a tami so xavi masua ane ixixao teitexi no latanu lialia. Tatila noxi'a ne, anu angelo masua ane uxaxai no opone'i tamitema so xilili.

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

Lomu 6:12

La mamu so ngapilixingengi so susu u'uli laxungengi mo upamu­pamuxanu vasimenge no anu masamasaxa masua.

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

1 Tioni 2:27

Ia Kalaisiti mupilixinu Ulenu Laixe noxinge so uxolu noxinge avile. Laso tava'u so evile upela'inge la uasi xo Ulenu Laixe molu upalo matanangengi no anu mimi mukalusi. Xe mi ma'ia upela'ingexu la maninasousi, kala­voi no anu uasi. Laso ngamulinu loxo mupela'ingexu mo ngaxolu pumungenge noxou Kalaisitisi.

2 Pita 3:11

Ioxe, laso loxo mimi mukalusi ukavuku no anu vote'i axone la ngaxavutala lexe ngingi vaimo­momo 'o xoluxolungenge axova? Ngingi masi ngaxolu no anu malemalengasi mo opongengi ututuluou ili'ilixou Mosingesi.

Ipilu 8:11

Laso pelototo so ivikalane'i ngato'o lexe, 'Ai, nala­vulavu noxou Tatananenge.' la ilemolu uasi. Xo ane'i tamitema vitanisi mo tamitema ualaualasi'a la ane'i mukalusi ilavusilosi.

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

Kolosi 1:22

Ia vaimomo 'o no anu soli no anu vasimolu Olu la Mosinge mukalusou kalipala mo mulivunixinge so ngaxolu opo­ngengi vilesisi noxou. Mo so loxo utulusinge no iou la usaxisou xoluxolungenge lexe ulapu mo malemalenga mo lamanasi.

Xalesia 5:24

Xo ane'i tanoxou Kalaisiti, la mino'u vasime'a xe masamasaxa ilou mimi ane upalu­palusi'a no anu ka mililinu no ovu valautu mole musoli mukalu.

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.

2 Kolini 7:1

Laso tavivilo, vavalima noxou Mosinge anene a uxolu noxinge mukalu 'oe. Laso nenge takalipa­lanenge no anu mimi ane so u'oxonu vasimenge ilou ulenenge nuni'u. Xe taxolu tamama'u noxou Mosinge kaio xavinenge so taxa­lixu xoluxolunenge ulapu loloni.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

Lomu 8:13

Xo tami­tema ane tava'u susu no vasime'a upamuxane'i la ixalisou solisi. Ia ngingi ane Ulenu Laixe uxolu noxinge la anu usu'ulingengi so ngatalotalosou susu no vasimenge. Ngingi anene la ngaxolu ngamauli.

Ta'aposeli 24:25

La anu Polu muvi­kalasou mimi tavu'alo. Muvi­kalasou ilixo laixe xe so oponenge utulu no anu ilixo ulapusi xe voxo so Mosinge utongonenge. Peliki mulomusou vaikalaou Polu la mu'avutinoxu ume noxou. Sila muvikalanu Polu lexe, “Ai natalo, mumomomo ane. Nini nalai. Ili'i xe voxo laixe la eni a'avalinela.”

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.

Epesusi 1:4

Xo no voxo loxo Mosinge ukoinu mimi no lialia uao, la anu musosovosinge noxou Kalaisiti mukalu. Musosovosinge lexe nenge taxolu tamalemalenga mo talapusi no iou.

Tioni 14:30

Eni alemolu vaikala piena noxinge la uasi xo anu ane u'uli laxunu lialia anu a unene'e 'oe. Anu xaviou so u'oxonu mi vile noxilo to uasi.

Tioni 6:25

Ane'i milutu xe mixali xalevile no kupa sila mixalisou. Mixalisou la mitali'isou lexe, “Tisa, nexali lai 'o talu?”

Luku 1:6

La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.

Iuti 1:18

Ane'i mipela'inge lexe, “No anu kaluxusou voxo la tami­tema so imolo suku ixali la ixiunu tumali'aou masaxa noxou Mosinge kaio imulinu masaxa masua noxi'amo.”

2 Timoti 4:10

Xo Temasi mu'osasou xoluxolu so lialia 'osi la muxexesilo mo mulai no taoni Tesalonaika. Xe Kelesenisi mulai ne Xalesia polovinisi. Xe Taitusi la mulai no xale lia ne Talimesia.

Matiu 12:32

Mo itema loxo uvikala masuaou Itema ane molu noxou Mosinge la vote'i uxolusio so susu noxou ne uiasi. Ia itema ane upupuiou Ulenu Laixe la vote'i so susu anene uiasi uasisi. Tina'u so susu anene uxolu vaimomo 'o mo ulai avile no anu voxovoxo ili'i.”

1 Timoti 6:9

Ia ane'i ane opone'i ututulu no anu mimi so vasime'asi la uxovulaulaunixu xavutalai'a mo upalusi'a no anu mamulosi. Xo ixolu la Uluaou utovotovone'i xo xe masaxa masua noxi'a ne u'oki avile laso upalusi'a no anu uoi noxou ka imamulosi.

Tiemisi 1:27

Vote'i ane malemalenga mo mulapu no iou Mosinge anu Maminge so tamulinu masaxa noxou aloxo 'o. Tavu'uline'i tamolomolo ane ta'oloxola xe tasema ane tamului'a misoisoli mo tasu'uline'i no anu tu'utu'umaxu noxi'a. Xe aloxo 'ola, taxolu va'axu no anu ili'ilixo masua so lialia 'o mo so anu utei uxolu noxinge uasi.