Taitusi 2:11 - Ata New Testament

¹¹ Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

Taitusi 2:11 Referans Kwoze

1 Timoti 2:4

Xo anu umasaxau lexe tamitema mukalusi ixalisou lavu­lavu no anu vaikala maninasou mo ixalisou pamauli.

Epesusi 2:8

Xo ngingi ngelopala noxou laso Mosinge muiaiama noxinge so mupamaulingengi. Mi ne ngingi menge ngaxalixu uasi. Mosinge molu mu'itimengi.

Ipilu 2:9

Ia mi vile uasi, xo nenge tasaxi noxou Iesuasi. Xo anu mulu'enu so muxolu no laxa'a ta'angelo, ia voxo ataxusi. Mulu'enu ne so utavulenu navunavu mumomomo avile no anu soli. La anene vote'isou iaiama noxou Mosinge xo Iesua muno'u tanixa'a tamitema mukalusi so u'unalai no anu soli axone. Laso maixene Mosinge mu'itinu mo mulosou uala tatila mo tanixu e mu'uli'uli avile.

Epesusi 2:5

No voxo texolu no anu susu mo texolu loxo tesolisio la Mosinge mupitanenge noxou Kalaisiti so nenge'a tamauli. Mi ne no anu iaiama noxousi.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

Lomu 5:15

Ia mi ane Mosinge ulosinge ne anu uua'ulixu susu noxou Atamu avile. Xo noxou Atamu la tamitema latala mixa­lisou soli. Ia noxou Iesua Kalaisiti la Mosinge mu'oxonu iaiama toxoxu noxinge. Mo iaiama noxou ne munixinixi mo musu'asinge tamitema tavu'alo.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Ta'aposeli 11:23

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Luku 3:6

Mo tatemanu lialia mukalusi isaxisou pamauli noxou Mosinge.'”

1 Timoti 1:14

Tatananenge ukolinu ilixo noxilo ne uasi mo iaiama noxou noxilo mulolutu e mulolutu. Xo Kalaisiti Iesua ne anusisi tava'u lopala mo sexela la anu mu'avu­tinoxu no opoleli.

Lomu 5:2

Xe anu mu'oxonu vote'isinge so loxo telopala, laso nenge te'unalai mo a taxoxolu no anu iaiama noxou Mosinge 'o. Taxoxolu mo taxomaiou voxo ane Mosinge uno'inge so nenge'a taxolu no tualasou lailaixe. Nenge talavusou lexe voxo ne a une'e laso osa'ilasou misevile.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Xalesia 2:21

La telexu aloxo 'o. Mamu so avila'isou iaiama noxou Mosinge vitanisi. Xo loxo vote'i so taxali talapu no iou Mosinge a no anu lo, la tava'u so Kalaisiti musoli uasisi.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

Ta'aposeli 13:47

Xo mi ane Tatananexi mupalu­sixexu anesi. Xo muvikala no anu anaxu polopetiou tatei lexe, 'Eni exalixinge loxo lalamo noxi'a tamitema noale'ale. Ngingi ngalai­lai no xale tuatuala no lialia mukalusi so ngalosoie'ixu vote'i so pamauli noxilo.'”

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Tioni 1:9

Anu lamana e a mune'e no lialia ne, anu lamana maninasi. Anu so lamanasi'a tami­tema mukalusi.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

2 Timoti 4:17

Ia mi vile uasi, xo Tatananenge molu muveisa'ileli mo mu'oxo pakia'ilo. Laso maixene eni emomomo so elanu vaikala laixe loloni avile so tamitema noale'ale 'o milomusou. Xe anu mu'umeleli aloxo no anu laioni anaxu.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

Ta'aposeli 17:30

Xo tatei la tamitema ilamana axone uasi la Mosinge iou muvaxaousi. Ia vaimomo 'o anu uvikala pakia'u lexe tamitema ixiunu opone'i mo i'isalilinoxu noxou.

2 Timoti 1:10

Vaimomo 'o, Itema so Pamauli noxinge e Kalaisiti Iesua a mupa­la'a mukalu, laso no anu vote'i anene iaiama noxou Mosinge mupalasisi. Kalasiti Iesua mukalu­sou xavinu soli xe no anu vaikala laixe noxou la mulamananixu vote'i so tamitema ixalisou mauli manina mo xoluxolu kaluxu uasi.