Taitusi 2:10 - Ata New Testament

¹⁰ Mo ipulumaou mimii'a uasi. Xe loxo tavosi'a ilopalane'i no anu mi ma'ia la ane'i i'oxonu laixesi. Laso axone la no anu xoluxoluxa'a mukalusi la i'itinu vaikalaou Mosinge e mosou pamauli no ie'i tamitema.

Taitusi 2:10 Referans Kwoze

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.

2 Tioni 1:9

Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

1 Pita 3:16

Ia loxo ngakoline'i la ngataxane'i laixe so ngavikala se'isisi noxi'a. Xe nga'oxonu ilixo ulapusi mo so tangengi uai se'isisi mo uto'omengi uasi. Xo loxo nga'oxonu ilixo laixesi so ngamulinu Kalaisiti kaio ipupuie­ngixu la anu upalasi no ie'i tamitema mole ane'i ane ito'o­menge ne itavulenu mailasousi.

Taitusi 1:3

Muvavali­masou axone xo xe no anu voxosou mu'isalilii la musosovosi'a se'i so ipalasinoxu vaikalaou. La Mosinge anu mosou pamauli mupilixinu vaikalaou nesi noxilo so alanu noxi'a tamitema.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

1 Timoti 6:1

Ioxe, Mosinge ta'olu ane tami­tema tasilevi la itaxane'i tatanane'i laixe. Itaxane'i mo so ane'i tatanane'i ivikala masua no anu ualasou Mosinge xe lopala na'a nenge uasi.

1 Kolini 4:2

Xe Tatana­nenge mulopalanexi so tavu'ulinu vaikalaou axone laso anu mi mutiatila so ta'oxonu no anu masaxa noxou. Mamu so ta'oxo papanu.

Luku 16:10

Mo loxo talopalanu itema no anu mi isusu'a se xe usaxila'u laixe la umomomo so talopalanu no anu mi mutiatila kalumo. Ia itema ane upolo va'axu no anu mi isusu'a se la talavu lexe upolo va'axu no anu mi mutiatila kalumo.

Matiu 24:45

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

1 Timoti 5:17

Mo pelototo vile aloxo 'o. Laixe so tatemanu pita itaxane'i tamitema so saxila'u. Mo ane'i ane ixolu u'isalili no anu xaixai so votovoto mo pelototosi, la isu'uline'i no anu mimi so vasime'a.

1 Timoti 1:1

Eni Polu a. Eni aposeliou Kalaisiti Iesua. Mosinge e mosou pamauli ilou Kalaisiti Iesua ane talopalanu taxomaiou me'a mipa­lusilo so exali aposeli aloxo 'o.

Pilipai 4:8

Ioxe tavivilo, vaikalaxeli telexu aloxo 'o. Utotomu xavutalamengi uxoxolu no anu mi ane kalavoi no anu uasi xe mi laixe so tataxanu xe mi ane ulapusi xe mi ane malemalenga xe mi ane so sexelasi xe mi ane tamitema ivikalasou laixesi. Ani, ngaxavutalanu mimi ane lailaixe u'uli'uli xe mimi ane temanu laixe so ta'itinu axonesi.

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

Tioni 12:6

Iutasi muvikala axone ia anu tanuxa'a ta'oloxola manina to uasi, anu mulemolu xo anu itema so pakalimo. Anu xaixai noxou so usaxila'u kesisou lamolii'a Iesua oli'a tatisaipeliou mo mulavusou upulumaou sevile no anu.

Luku 1:47

Xe opoleli u'osa noxou Mosinge e mosou pamauli noxilo.

Luku 1:80

Ioxe, mune'e la molomolo ne muleme tatila mo tanu mututulu pumuxu no anu xaixai ane so u'oxonu. La muxolu no xale lia esiesi xo mo voxosou muxalii laso mulai mupala'a noxi'a Ta'isilaeli.

Taitusi 3:4

Texolu axone ia Mosinge anu mosou pamauli tanunenge misevile la sexela noxou singe tamitema mupala'a.