Taitusi 1:9 - Ata New Testament

⁹ Mo anu itema so ukama­kulunu vaikala manina loxo mulomusou no anu votovoto. Mo so loxo upeloto la upolo va'axu uasi, ulanu vaikala e pumuxu nesi. Xe loxo tamitema ixilili la uko­line'i no anu vaikala ne la saexa'a uxolasi.

Taitusi 1:9 Referans Kwoze

2 Tesalonaika 2:15

Laso tavivixe, ngatulu pumungenge mo ngakamakulunu vaikalaou Mosinge ane tepilixinu noxinge. Vaikala anene tepilixinu noxinge no anu ananexe o no anu lapalapasi.

2 Timoti 1:13

Timoti, nini taneniou vaikala lailaixe ane nelomusou noxilo la navulunu noxi'a tamitema axonesi. Mo nalanu no anu lopala ilou sexela ane taxalisou noxou Kalaisiti Iesua.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

1 Timoti 1:10

Xe noxi'a tamitema so ilailai noxi'a tasema vitanisi mo tamulu ane ilai noxi'a tamulu. Xe noxi'a ane'i ane ipakaline'i tami­tema xe tamitema so kalaka­lavoi xe ane'i ane i'oxo loloxa'a tame­nexi'a. Anu axone, lo ne anu si'a tamitema ane ilixo noxi'a upolo va'axu no anu vaikalaou Mosinge.

Mupala'a 3:3

Xe vaikala laixe nge'osasou mo ngelomuxu mala'o la tangengioula. Ngaxiunu opongengi so susu noxinge mo nga'isalilinoxu no anu vaikala anenela. Xo loxo ngatulu no anu ai ne uasi la eni ane'e akulukengengi a loxo itema so pakali. La ngala­vusou voxosilo uasi ane, axali noxingesi.

1 Timoti 1:15

Eni alemolu vaikala vile manina mo laixe so tamitema mukalusi ilomuxu. Aloxo 'o. Kalaisiti Iesua mulu'e no lialia 'o so upamauline'i tamitema so susu. Xe no taine'i tamitema so susu ne la eni loxo a'uli'uli avile.

Taitusi 2:1

Ia loxo nini, la napelototo u'isalili mo so xoluxoluxa'a Mosinge ta'olu ulovou vaikala pumuxusi.

Taitusi 1:11

Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

2 Timoti 4:3

Xo nalomu, voxo une'e la tami­tema latala ilomuanu vaikala ane pumuxu mo manina. Ane'i imasa­xau vaikala ane ukikisou sangali'a xo ixamulinu sixisou no anu vaikala iouiou. Ixamulinu axone laso i'ava'avalia tamitema so ine'e ipili­xinu vaikala ane i'osasou so ilomusousi.

1 Tesalonaika 5:21

Ia mimi mukalusi la ngatilo­vosou mo ngakamakulunu aneva laixesi.

Mupala'a 3:11

Xo maxuveni uasi la eni ane'e noxinge. Laso mi ane ngexalisou no anu vaikalaxeli la ngatulu pakia'inge no anu. Xo uasi, la masi evile ulapungengi mo ngaxalisou palaisi na'a ngingila uae.

Mupala'a 2:25

Ia avikalangengi lexe ili'ilixo laixe ane ngatetelisou ne la ngakamakulunu xo mo eni ane'e noxinge.

Iuti 1:3

Ioxe tamaula, eni opoleli mutu­tulu lexe akaukavu ulai noxinge so usu'ulinu xavutalamengi no anu pamauli ane nenge nenge'a texa­lisou mukalu. Ia examulinu lexe eni masi akaukavunu vaikalasou ngiou vile aloxo 'o kalumo. Amasaxau a'avutinixinge so ngasoa pakia'u mo ngautululunu lopala na'a nenge. Vaikala so lopala anene Mosinge mupilixinu loloni noxinge tamite­maou mu'isalili mo ili'i la uxiunu o usolonu no latanu la uasisi.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

2 Timoti 2:2

Xe no anu mimi mukalusi ane nelomusou noxilo no ie'i tamitema latala, la napilixinu noxi'a tamulu ane nalopalane'i lexe isaxila'u laixe. Mo so axone la ane'i imo­momo so ipela'axu leviani kalumo.

1 Timoti 4:9

Vaikala ano'o ne manina mo laixe so tamitema latala ilomuxu.

1 Timoti 1:19

Natete­lisou lopala noxine ne mo taneni uai laixe xo nalavu lexe susu noxine muiasi mukalu. Xo se'i milopala aloxone ia mune'e la mixiunu tumali'aoula. La no anu lopala noxi'a ne la mimamulo aloxo lasipi umamulo no lipi.

Ta'aposeli 18:28

Musu'uline'i xo anu pakia'u mo mukasi'a Taiuta no anu vaikala no taine'i tamitema latala. Mukasi'a mo mupalasinoxu lexe Iesua anu Itema so Pamauli ane lavukuou Mosinge a ulelemolu 'o.

1 Kolini 14:24

Ia loxo ngingi mukalusi ngalanu vaikala so pela'a xe tamitema i'una la anu laixe. Xo masi vaikalamengi mukalusi uto'ome'a la ane'i ikulukemolu susu noxi'a.

2 Timoti 3:14

Ia loxo nini, la mimi ane nexalisou lavulavu no anu mo nemulaxu pakia'u no taneni, la naxolu no anu anenesi. Xo nini nelavusou xoluxolunexe nexi ane tepela'inexu ne.