Taitusi 1:8 - Ata New Testament

⁸ Mo loxo tamitema ine'e no tasou la uvu'uline'i laixe. Itema loxo natulusou ne la oponu utulu no anu mi ane laixe mo mulapusi. Loxo mi vile uxali la anu utilovosou laixe xo oponu ututu­luou masaxa noxou Mosingesi. Xe masamasaxa noxou upalusou vitanisi uasi, anu molu upamuxanu laixe.

Taitusi 1:8 Referans Kwoze

1 Timoti 3:2

Laso itema so uvu'ulinu ne la xoluxoluxu aloxo 'o. Anu ilixo noxou lamanasi mo so mi vile so tamitema ito'omolu no anu uasi. Loxo utaula'i la semau vilesisi. Anu uxolu mo xavutalaou uiave laixe mo uxolaxola uasi, xoluxoluxu ulapu no ie'i tamitemasi. Xe loxo tamitema ine'e no tasou la usaxila'a laixe. Mo lavulavuou no anu vote'i so ulanu Mosinge vaikalaou noxi'a tami­tema.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.

1 Tioni 3:14

Xo loxo telavu, tei la texolu no anu soli ia tevula tela mo a taxolu no anu mauli. La tela­vusou axova? A xo nenge talavusou tasexelaxa'a tavivinge talopala. Ia ane'i ane ilavusou isexela manina uasi la ixolu no anu solisio.

1 Timoti 6:11

Ia loxo nini, la namitemaou Mosinge laso na'umolu mo na'umesou mimi so mamulo ne. Na'umesou anene mo namulinu ilixo aloxo 'o. Xoluxoluxene ula­pusi mo ulovo no anu masaxa noxou Mosinge. Xe lopala noxine ututulu noxousi mo nasexelaxa'a tamenexine. Xe loxo tu'umaxu ma'ia uxalisine la natulu pakia'inesi mo oponeni lexasi noxi'a tamitema mukalusi.

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

1 Tesalonaika 2:10

Ioxe, noxinge mo no iou Mosinge la ngelavusou mi ma'ia te'oxonu noxinge talopala. Xo nexi temulinu masaxa noxou Mosinge mu'isalili mo ilixomexi noxinge mulapusi mo so mi vile so tamitema ito'omexexu uasi.

2 Timoti 3:3

Mo ilavusou vote'i so isexelaxa'a leviani uasi xe vote'i uasisi so isolixu tu'umaxu loxo uxali no taine'i. La imunu­munuxa'a tamenexi'a so ilu'ene'i xe masamasaxa no vasime'a upamu­xane'isi. Ane'i ikasi'a no anu otosi xe imatapianu ili'ilixo aneva laixe.

2 Timoti 2:22

Laso nini, la na'umolu mo na'umesou masamasaxa ane ulavu­sou upalusi'a tamaulu. Anene na'umesou, ia mi ane so oponeni uiaveou a ilixo mulapusi xe lopala xe sexela xe xoluxolu lalavulusi. Ngingi ngoli'a tamitema mukalusi ane opone'i malemalenga so imama'u mo ikatu noxou Tatana­nenge, ngaxolu no anu anenesi.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Ta'aposeli 24:25

La anu Polu muvi­kalasou mimi tavu'alo. Muvi­kalasou ilixo laixe xe so oponenge utulu no anu ilixo ulapusi xe voxo so Mosinge utongonenge. Peliki mulomusou vaikalaou Polu la mu'avutinoxu ume noxou. Sila muvikalanu Polu lexe, “Ai natalo, mumomomo ane. Nini nalai. Ili'i xe voxo laixe la eni a'avalinela.”