Taitusi 1:5 - Ata New Testament

⁵ Ioxe, eni e'italoneni nexolu no ailani Kiliti so na'isalilinoxu xaixai teletelexu ne. Mo kalumo so natulusi'a tamitema so isaxila'u pitapita no tuatuala, loxo epalusi­nexu mala'o.

Taitusi 1:5 Referans Kwoze

Ta'aposeli 14:23

Mo ilou misosovosi'a tamitema so saxila'u no anu pita vilevilesi. Xe ilou opone'i mutulu so ivikalasi'a talopala noxou Mosinge mole i'ani uasisi. Mipilixine'i noxou Tatananengesi xo milopala noxousi.

1 Timoti 1:3

Ioxe, mala'o loxo eni so alutu ne Epesusi so ane'e ne Masetonia polovinisi la epelototosine, mo a alemolu 'ola. Naxoxolu ne Epesu­sisio mo so napelototosi'a tami­tema se'i ne mo na'apixa'a lexe mamu so imulaxu xavutala se'i iouiou no latanu votovoto.

1 Kolini 14:40

Nga'apixa'a uasi, ia no anu pita noxinge la ngamulinu vote­vo­te'isou ane laixe mo u'isalilisi.

2 Timoti 2:2

Xe no anu mimi mukalusi ane nelomusou noxilo no ie'i tamitema latala, la napilixinu noxi'a tamulu ane nalopalane'i lexe isaxila'u laixe. Mo so axone la ane'i imo­momo so ipela'axu leviani kalumo.

1 Kolini 11:34

Loxo itema vile usolixu manina la laixe loxo u'ani tei no tasou. Xo loxo 'o io nga­pitapita mo anu uxalixu lakolisou tu'umaxu no taingengi. Mimi se'i a uxolusio, ia loxo ili'i ane'e noxinge laso alovonixu.

Ta'aposeli 27:21

Nexi texolu axone la tamitema ino'u la'ilali uasi. Xe mune'e la Polu mutulu no taine'i la muvikala lexe, “Ai, ngingi ngalomu. Loxo ngamulinu vaikalaxeli lexe taxexesou Kiliti uasi, la ngingi ngaxalisou mamulo ano'o uasi. Mo mimimenge tasiauxu uasi.

Ta'aposeli 27:12

Apu e lasipi mu'axa no anu ne anu laixe so tatalumexu tau masua uasi. Laso tatemanu lasipi tavu'alo opone'i lexe talutusi mo talai. Mi'oxo lexe talai avile ne Venixi so taxali tei no anu tau masua mo tatalume ne. Venixi ne anu lautu laixe vile no ailani Kiliti. Anu apu ne muai laixe xo sivo ulavusou u'una mo u'avutinoxu luaki uasi.

Ta'aposeli 27:7

Ioxe, milulusou lamotasou lasipi la telutu ia teiave palea malaxo uasi. Teiave teiave la ialaxu manina xo sivo tatila mutanunexe. Sivo mutanunexe xe voxo se'i mulai mukalu laso texali alai no tuala ne Nitasi. Sivo mu'oki'oki xe mutanuxu vote'isixe avile, laso nexi tepolo xalevile no ailani Kiliti so tatalumexu. Tepolo la teiave alai no kusinou ilemolu lexe Salimone.

Ta'aposeli 11:30

Mipitanu mukalu laso milosi'a Vanavasi ilou Sauli so ilaixu noxi'a tamitema so saxila'u ne Iutea.

Kolosi 2:5

Xo manina, eni exolu nopaxa noxinge aloxo 'o ia taleli a uxolu noxinge ne. Laso eni a'osa so amaisou xaixai noxinge ulovosi mo lopala noxinge pakia'u noxou Kalaisiti.

Ta'aposeli 2:11

Xe ane'i se'i ne Takiliti xe Ta'alevia. Se'i noxi'a ne Taiuta maninasou. Xe se'i ne so laili vilemo ia ane'i mimulinu ilixo mo lavuloto noxi'a Taiuta. La ane'i mi'oxo lexe, “Nenge talomusi'a tamitema ano'o ilulusou xaixai xavinu noxou Mosinge no anu vaikalamenge vilevilesi.”

Ta'aposeli 27:13

Ioxe, ane'i milalaxinu opone'i axone xe mimalei lexe sivo lailaixe molu no tumalixe laso mi'oxo lexe, “Anu ane, talai.” Mi'oxo lexe talai laso milapunu axa ka telutu telai. Telai la temulinu luaki pa'umolu no ailani Kiliti.

1 Kolini 4:17

Masaxa noxilo so singe axone. Laso maixene epalusou Timoti mune'e noxinge ne. Anu kalumo loxo alixeli no anu xoluxoluxu noxou Tatananenge. Eni asexelaxu mo xaixai ma'ia alopalanu so u'oxonu la utotomu u'oxonusi. Mune'e noxinge so ulivunoxu xavutalemengi no anu ilixoleli so xoluxoluxo noxou Kalaisiti. Anene u'isalili no anu vaikalaxeli loxo alavusou alanu no anu pitapita no tuatuala.

Taitusi 1:12

Xo tatei itema so lavulavu vile noxi'a molu muvikala aloxo 'o, “Ane'i Takiliti ne tamitema so ikakalavoi to. Ilixo noxi'a masua loxo ta'a'a tavova. Ane'i tapauxe mo xavutali'a no anu ani'anisi.”