Taitusi 1:3 - Ata New Testament

³ Muvavali­masou axone xo xe no anu voxosou mu'isalilii la musosovosi'a se'i so ipalasinoxu vaikalaou. La Mosinge anu mosou pamauli mupilixinu vaikalaou nesi noxilo so alanu noxi'a tamitema.

Taitusi 1:3 Referans Kwoze

1 Timoti 1:11

La ta'itinu Mosinge ualasou xo vaikalaou ne laixe mo iaxu. Anu molu mulosilo vaikala laixe ne so alanu.

1 Timoti 1:1

Eni Polu a. Eni aposeliou Kalaisiti Iesua. Mosinge e mosou pamauli ilou Kalaisiti Iesua ane talopalanu taxomaiou me'a mipa­lusilo so exali aposeli aloxo 'o.

Taitusi 2:10

Mo ipulumaou mimii'a uasi. Xe loxo tavosi'a ilopalane'i no anu mi ma'ia la ane'i i'oxonu laixesi. Laso axone la no anu xoluxoluxa'a mukalusi la i'itinu vaikalaou Mosinge e mosou pamauli no ie'i tamitema.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

1 Timoti 2:3

Mosinge e mosou pamauli ta'olu ivikala noxou axone xo anu laixe no iou mo u'osasou.

1 Tesalonaika 2:4

Xo Mosinge molu musosovosixe mo mu'osasixe so taxaxai la mupili­xinu vaikala laixe noxixe so talanu. Laso maixene loxo talanu la taxa­vutalane'i tamitema uasi taxavu­talanu Mosinge lexe u'osasixexusi, xo anu molu utilovosou oponexi.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Epesusi 2:17

Mo no voxo loxo anu mune'e muxixao no lialia la anu muvotosou vote'i so xoluxolu lalavulusi. Muvotosou noxinge tamitema noale'ale xe noxi'a tamitema Taiuta e ala'alai 'osi.

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

1 Kolini 9:17

Loxo eni melo a'oxonu no anu masaxa na'a xeli la masi ngalosilo lapesou. Ia uasi, eni melo ailounu xaixai ano'o uasi. Tatananenge molu mupilixinu noxilo so alanu vaikalasou laixe 'o.

Pilipai 1:13

Xo ta'ami so latolosou tasou kingi Sisa xe tamotu lai 'o mukalusi milavu lexe tava'u vilela uasi, e'oxonu xaixai noxou Kalaisitisi laso maixene ekalavusou 'o.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

Lomu 15:19

Xe e'oxonu sosovo so xavi iou iou so uvalaxu vaikala ne ia eni uasi. Ulenu molu mulosilo xavi so a'oxonu. Mi ne musoko'u ne Ielusalemo so elanu vaikala laixe so Kalaisiti. Elanu elanu la exixao nopaxapaxa mo exali avile ne Ililikumi polovinisi.

Lomu 5:6

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

Ta'aposeli 17:26

Xo noxou itema vilesisi, anu muxalinenge laili mukalusi. Anu molu mupilixinenge so taxolu no anu taninenge loxo no anu masaxa noxou. Mo anu molu usosovosou voxosinge.

Ta'aposeli 10:36

Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Luku 1:47

Xe opoleli u'osa noxou Mosinge e mosou pamauli noxilo.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Maki 13:10

Ia loxo vaikalasilo laixe uxali noxi'a tamitema no anu lailaili no tuatuala mukaluasi uao, la anu voxo kaluxusou 'o umomomo so uxali uasi.

Mupala'a 14:16

Laso anu ane mutalupexa no sauma mutangatulu so muvalinu laviso no anu lialia loxo'u. La mu'elesou la'ilali momoxo no lialia mukalusi.

Epesusi 1:10

Ia nene'axu mi ne uxali loloni uao. Xo anu umasaxau lexe voxosou u'isalili uxalii, laso mimi mukalusi upita la kisou vilesisi noxou Kalaisiti. Anu molu u'uli laxunu mimi ane uxolu teitexi xe no lialia mukalusi.

Maki 1:15

La muvikala aloxo 'o, “Taimu mutiatila a muxali 'oe. Voxo so Mosinge molu u'uli laxune'i tamitemaou a mune'e ala'alai mukalu. Ngingi ngaxiunu opongengi mo nga'isalilinoxu no anu Mosinge oponu so susu noxinge. Mo opongengi ukasou vaikalaou laixe lexe maninasou.”

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

2 Timoti 4:17

Ia mi vile uasi, xo Tatananenge molu muveisa'ileli mo mu'oxo pakia'ilo. Laso maixene eni emomomo so elanu vaikala laixe loloni avile so tamitema noale'ale 'o milomusou. Xe anu mu'umeleli aloxo no anu laioni anaxu.