Taitusi 1:11 - Ata New Testament

¹¹ Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

Taitusi 1:11 Referans Kwoze

2 Timoti 3:6

La tamitema axone ikamulinu vote'i so i'una'una no tatani so ixalisi'a tasema ane itilovo laixe uasi ka iuauoixa'a no anu vaikala. Ane'i tasema ne ixamulinu tane'i uto'otome'axu susu la'olu noxi'a mo masamasaxa noxi'a upalupalusi'asi.

1 Timoti 6:5

Mo voxovoxo utotomu ikusukusu'a no anu vaikalasi xo xavutalai'a vuluvulusi mo mi vile manina no anu uasi. Mo ikalavoi lexe loxo i'una no anu xaixai noxou Mosinge la anene vote'i so ixalisou lamoli xe mimi.

Lomu 3:19

Laso tamaxale axova? Mosinge mulosinge nenge Taiuta lo noxou, mo nenge taxolu no laxu. Anu vaikala no anu lo ne uto'omenge mukalusi. Laso nenge saenenge uxola, xo nenge mukalusi tesusu no iou Mosinge.

Taitusi 3:10

Xe loxo itema ane uxili­liou Mosinge vaikalaou mo uxalixu kalipala no anu pita, la ngalovonixu. Ngalovonixu alaxu vile, alaxu tamei xe loxo oponu pumuxusi, la ngaxiunu tumali­ngeou avile.

Taitusi 1:9

Mo anu itema so ukama­kulunu vaikala manina loxo mulomusou no anu votovoto. Mo so loxo upeloto la upolo va'axu uasi, ulanu vaikala e pumuxu nesi. Xe loxo tamitema ixilili la uko­line'i no anu vaikala ne la saexa'a uxolasi.

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

2 Kolini 11:10

Vaikala manina noxou Kalaisiti ula no anaxo so avikala aloxo 'o. No anu xale tuatuala ne Akaia polovonisi la vile noxi'a umomomo uasi so utanuxu vaika­laxeli so aa'aloxu ilixoleli ne.

Luku 20:40

La ane'i mimama'u so italitali'i noxou no anu mi vilela.

Tioni 10:12

Ia itema loxo ilotonusi no anu xaixai anene la u'oxo axone uasi. Anu itema so usaxila'a tasipisipi manina uasi xe anu tatanane'i tasipisipi uasi laso loxo umaisou a'a vova une'e la u'italone'i tasipisipi mo u'umesi. Io a'a vova utokitokine'i mo upaxelelene'i tasipisipi.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

1 Timoti 5:4

Ia loxo sema vile tailie o taxaixasie ixoxolu la nape­lototosi'a aloxo 'o. Ane'i me'a isaxila'e laixe xo anene masaxa noxou Mosinge. Loxo nenge tasu'uline'i tamaminge o tane­nengi o taxaixasinge la anu u'osasou xo axone la loxo takolinu su'uli tatila mi'oxo noxinge.

1 Timoti 5:13

Mo mi vile aloxo 'o. Loxo pita ne usaxila'a tavuanga axone la ixali loxo tapauxe xo ixixaoxao no tatani vitanisi. Ipauxe axone mo kalumo isukusukunu vaikala xo ilomusou sivo no tani vile la ilaixu no tani vile. Mo imunumunuxa'a tamitema no tatani.

2 Timoti 2:18

Xo ilou mipolo va'axu no anu vaikala manina mo ivikala lexe Mosinge mutulusi'a tamitema no anu soli mukalu. La no anu vaikalai'a ne mivila'isou lopalai'a leviani.