Ta'aposeli 9:6 - Ata New Testament

⁶ Nini natulu ka na'unalai no tuala Tamasikusi 'o. Mo naxolu xe ili'i la itema vile ulemolu mi ma'ia so na'oxonu.”

Ta'aposeli 9:6 Referans Kwoze

Ta'aposeli 22:10

La eni evikala lexe, 'Tatila, laso eni anava?' La Tatananenge muvikalaleli lexe, 'Nini natulu mo na'unalai no tuala ne Tamasikusi. Naxolu ne la itema vile uvikalaneni so lexe xaixai ma'ia esosovosine no anu.'

Ta'aposeli 26:16

Ia nini na'avuti natulu. Eni epa noxine aloxo 'o so asosovosine lexe nini namitemaxeli. Mo nini naa'aloxu mimi ane nemaisou 'o mo mimi ane alosoienixu ili'i.

Pilipai 2:12

Ai tamaula, utotomu ngingi ngalavusou ngalomuxu pelototo noxilo, laso ngalomuxu ano'ola. Anu laixe so ngalomuxo loxo axolu no taingengisi uasi, xo axolu nopaxa noxinge a ia ngalomuxu pelototo ano'o laixe manina. No anu pamauli e ngexalisou mukalu la ngamama'u mo opongengi u'olo'olou so ngamomosou avile.

Lomu 10:20

Mo Aisaia muvi­kala lamana aloxo 'o, “Tamitema ane ikakamulileli uasi a mixalisilo mukalu. Eni apala'a noxi'a ane'i ane imasaxa'ilo uasi.”

Lomu 10:3

Ane'i ilamana avile no anu ilixo male­malenga noxou Mosinge uasi. Mo ilamana no anu vote'i so ixali tamalemalenga no iou uasi laso ane'i me'a itovonu no anu xavi noxi'asi. Me'a itovonu no anu xavi noxi'asi, laso maixene ipilixine'i noxou Mosingesi so uxalixi'a tamalemalenga uasi.

Lomu 7:9

Mo tei loxo alavusou lo ne uasi la exolu loxo amaulisi. Ia mune'e xe eno'u lavulavu no anu lo ne la ekuluke xo susu mupala'a avile mo elavu lexe eni asoli ane.

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

Ta'aposeli 10:32

Laso napalusi'a se'i ilai ne Iopa so i'avalou Saimoni e ualasou vilela lexe Pita. Anu a uxoxolu no tasou tauxuou Saimoni e itema so u'oxonu mimi no anu laleti. Anu tasou a ututulu no luaki pa'umolu.'

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 10:6

Anu Pita ne a uxoxolu no tani noxou tauxuou Saimoni e itema so u'oxonu mimi no anu laleti. Tasou a utulu no luaki pa'umolu.”

Ta'aposeli 2:37

Ioxe, tamitema milomusou vaikala ane Pita mulemolu la mixamulinu lexe muto'omolu opone'i. La ane'i mitali'isou oli'a tamenexu ta'aposeli aloxo 'o, “Tavivixe, laso nexi tanavaio?”

Luku 3:10

Ioxe, ane'i tamitema latala ane milomusou vaikalaou Tioni axone la mitali'isou lexe, “Laso nexi tanava io?”

Matiu 19:30

Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”

Ta'aposeli 9:5

La Sauli mutali'i lexe, “Tatila, nini ena'ei ne?” La anu mukolinu lexe, “Eni Iesua, eni ane nelosilo tu'umaxu ne.