Ta'aposeli 9:41 - Ata New Testament

⁴¹ Mita­lupexa laso Pita mutila'e mitulu. Mukalu la anu mu'avali'a talopala xe tasema tamului'a misoisoli mi'una mo muvikala lexe, “Nga­malei, mimauli”.

Ta'aposeli 9:41 Referans Kwoze

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Maki 1:31

Mia'aloxe laso Iesua mu'unalai noxie mo mutila'e no avole so mutulusie. Mutulusie sila pipiena mupaxelesie ka mi'avuti milalaxinu xa'a la'ilali.

Ta'aposeli 20:12

La maulu ne anu muxolu mumauli mo milaixu no tasou. La ane'i opone'i mu'osa misevile.

Ta'aposeli 3:7

La Pita mutetelisou no avolu tema so mutulusou. Sila alaxu vilesisi tava'u ilou vo'uvo'uxu pakia'u avile.

Luku 7:15

Sila alaxu vilesisi itema musoli ne mu'avuti mutulu mutalupexa mo muvivikalasi. La Iesua muno'u mulaixu noxie nenu.

Luku 7:12

Mulutu xo xe muxali alai mo anu a so u'una no anu aitengaxu vimelusou taoni ne. Sila muxalisi'a tamitema a milala mo mitavulenu vasimolu itema musoli. Mitavulenu la nenu itema musoli xe tatemanu tuala leviani a mimuline'i. Sema ne mulue musoli tatei mo ilie soxu vilesisi a musoli ne kalumo.

Ta'aposeli 9:13

Ia Ananaiasi mukolinu lexe, “Tata­naleli, eni elomusi'a tamitema tavu'alo ipitanu anaxa'aou itema anene. Ia'aloxu ilixo masumasua anu u'oxonu noxi'a tamitemameni u'isalili ne Ielusalemo.

Ta'aposeli 9:32

Xe mune'e la Pita muxixaosou xale tuatuala. La mulai no tuala vile ualasou lexe Lita so ukiloloi'a tamitemaou Mosinge u'isalili e mixolu ne.

1 Timoti 5:3

Xe loxo tasema ane tamului'a misoisoli mo evile so ino'u su'uli noxou uasi la nasaxila'a laixe.

1 Timoti 5:5

Loxo sema vile mulue musoli xe ta'ilie so isu'uline uasi la ane ixoxolu ilopala noxou Mosingesi. Ilopala, la ivikala mo ilingau su'ulisie noxou Mosinge kakau olovoxo.