Ta'aposeli 9:3 - Ata New Testament

³ Pilisiti tatila mulosou lapasi mukalu la Sauli oli'a tavoiou milutu milai ne Tamasikusi. Milutu milai xo xe ane'i so ixali no tuala sila alaxu vilesisi mi vile lamixu molu no loxotolo mutalosou.

Ta'aposeli 9:3 Referans Kwoze

1 Kolini 15:8

Ioxe, mune'e mune'e xo xe ili'i la eni kaluxusi'a so mupala'a noxilo. Eni eili'i manina axone la aloxo kekea ane lavulo'o noxou ialuxu manina.

Ta'aposeli 22:6

Xe Polu mua'aloi'a aloxo 'o, “Voxo vile emuamua'i so lexe alai ne Tamasikusi. Elutu xo xe loxo velo la eni so axali no tuala. Sila alaxu vilesisi iaxu mi vile molu no loxotolo mutalosilo.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.

1 Timoti 6:16

Anusisi kaluxu uasi mo anu mosou xoluxoluxu iaxusi. Nenge tamitema vote'i so talai alai noxou so tasaxisou no iaxu ne uasisi. Anu anusisi ualasou utitilasi mo anu uxolu u'uli'uli avile, kaluxu uasi. Vaikala ano'o maninasi.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

Ta'aposeli 9:17

Muvikalanu mukalu laso Ananaiasi mulutu mulai. Mulutu mulai xo xe muxali no tani xe mu'unalai laso mumulaxu avolu noxou Sauli mo muvikala aloxo 'o, “Vivilo Sauli, Tatananenge Iesua e muxali noxine no vote'i ne, mupalusilo ene'e noxine. Ene'e so ieni ukala mo Ulenu Laixe uxolu noxine mo upamuxaneni.”

Ta'aposeli 9:27

Ia itema vile ualasou lexe Vanavasi muno'u Sauli mo mulaixu noxi'a ta'aposeli. Mulaixu mo mua'aloi'a lexe Tatananenge mupala'a mo muvikala noxou Sauli no vote'i. Mo mua'alo lexe Sauli muvotovotosou Iesua ne Tamasi­kusi no anu xavisi.

1 Kolini 9:1

Ioxe, eni aposeli a. Itema vile u'uli laxuleli uasi. Eni melo emaisou Iesua Kalaisiti anu Tata­nanenge. Emaisou mo anu molu u'uli laxuleli no anu xaixai noxilo mo a muxalixu nene'axu noxinge ne.