Ta'aposeli 9:22 - Ata New Testament

²² Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.

Ta'aposeli 9:22 Referans Kwoze

Ta'aposeli 18:5

Xe muxolu muxolu xo xe Sailasi ilou Timoti me'a ne Masetonia la mixali noxou. Ane'i mixali noxoui laso ane, anu muxolu no anu xaixai so votovoto voxovoxo utotomu. Muvotovoto xe mutovonu so upela'a Taiuta lexe Iesua anu ane so Kalaisiti ane.

Luku 21:15

Xo eni melo alosinge vaikala so ngalanu noxi'a ilou lavulavu u'asi'asi. Laso loxo ngalemolu vaikala la ane'i ane ixililiienge ne imomomo so ikolingengi uasi, saexa'a uxolasi.

1 Kolini 1:27

Xo Mosinge musosovosi'a ane'i ane tamitema i'oxo lexe tamolesi. Mo so axone la umaxa'u lexe lavulavu noxi'a takeleva ne mi vitanisi ane. Xe musosovosi'a tamitema loxo mamalaxa'a so umaxa'u lexe xavi noxi'a tatiatila olele ne mi vitanisi.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Pilipai 4:13

Xo noxou anu ane ulavusou ulosilo xavi, la amo­momo no anu mimi mukalusi.

Ta'aposeli 17:3

Mupalapala­sinoxu lexe anu ane so Kalaisiti la vote'i vilela uasi, vote'i so upamau­linenge vilesisi ane so mutavulenu navunavu mo musoli xe mutulu no anu soli. La Polu muvikala lexe, “Iesua ane eni avotongengixu 'o, anu ane so Kalaisitisi.”

Ta'aposeli 9:20

Ia no voxo ane Ananaiasi muxali noxou la Sauli musoko'u so uvotovoto no anu tatasou lavuloto. Anu muvotovoto lexe Iesua anu Mosinge Olu.

Ta'aposeli 9:21

Muvotovoto xe tamitema milomusou la ane'i mikuluke manina mo mivikalane'i ngato'o lexe, “A itema e mutovonu so lexe umamulonu laili ane i'itinu ualasou Iesua ne Ielusalemo, xe mune'e lai 'o so ukalavusune'i mo ulaixi'a noxi'a tatiatilasi'a tapilisiti, anu itema ano'osi, ne?”

Ta'aposeli 9:23

Ioxe, muxoxolu xo xe voxo tapiena mulai mukalu la Taiuta mipita ka mimolo vote'i so ivau Sauli usoli.

Ta'aposeli 9:27

Ia itema vile ualasou lexe Vanavasi muno'u Sauli mo mulaixu noxi'a ta'aposeli. Mulaixu mo mua'aloi'a lexe Tatananenge mupala'a mo muvikala noxou Sauli no vote'i. Mo mua'alo lexe Sauli muvotovotosou Iesua ne Tamasi­kusi no anu xavisi.

Xalesia 1:18

Ioxe, tau ie tatalu mulai mukalui laso elai Ielusalemo so ano'u lavulavu noxou Pita. La noxou texolu umomomo no anu voxo 15.

1 Timoti 1:12

Eni alemolu laixe noxou Kalaisiti Iesua anu Tatananenge. Anu mutilovosilo lexe xaixai ma'ia upilixinu noxilo la eni opoleli ututuluousi. Laso anu molu mu'oxo pakia'ilo mo mumulaxo no anu xaixai noxou.