Ta'aposeli 9:21 - Ata New Testament

²¹ Muvotovoto xe tamitema milomusou la ane'i mikuluke manina mo mivikalane'i ngato'o lexe, “A itema e mutovonu so lexe umamulonu laili ane i'itinu ualasou Iesua ne Ielusalemo, xe mune'e lai 'o so ukalavusune'i mo ulaixi'a noxi'a tatiatilasi'a tapilisiti, anu itema ano'osi, ne?”

Ta'aposeli 9:21 Referans Kwoze

Ta'aposeli 8:3

Ia Sauli anu u'oxo so umasuanu pita noxou Tatananenge. Anu muxixao no tatasi'a tamitema so lopala so ulaixi'a no lakalavusu, tasema oli'a tamulu.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

1 Tioni 3:1

Ai ngamalei no anu sexela tatila toe Maminge musexelanenge no anu. Xo anu Mosinge ia mumo­xo'inge lexe nenge 'o a Mosinge ta'olusi. La mi ne manina misevile, xo nenge ta'olu a. Laso maixene tatemanu lialia tane'ililiinge mo ilavusinge uasi xo ilavusou Mosinge uasi.

Ta'aposeli 4:13

Tatiatila mimaisi'a lexe i'ume so ivikala no laxune'i uasi laso mikuluke mo tane'ilili. Tane'ilili xo Pita ilou Tioni ne tamitema vitanisi, loxo isikulu malaxo uasi. Laso ane'i mixavutala lexe, “Uasi, ane'i ilou ilixo noxi'a aloxo 'o xo mala'o se'o, ane'i oli'a Iesua mivaitami utotomu.”

Ta'aposeli 3:10

La ane'i mitongonu mo mi'oxo lexe “A itema e utotomu utalupexa ulinga­linga no aitenga Lailaixe ane.” Ane'i mimaisou lexe laixenu mo mikuluke la tane'ilili.

Ta'aposeli 2:12

La ane'i mukalusi mikuluke mo tane'ilili la mitali'isi'a ngato'o lexe, “Ma'ia laxu no anu mi ano'o?”

Ta'aposeli 2:6

Ane'i a ixoxolu ne Ielusalemo xe milo­musou mi loxo sivo loxu ne la ane'i mine'ene'e mo mipita no tani ne. La ane'i tane'ilili xo ane'i milomusou vaikala so tuala noxi'a vilevilesi mu'isalili.

Ta'aposeli 7:59

Ane'i a ivavau Sitiveni, la anu muvikala lexe, “Tatanaleli Iesua, uleleli a so ulai noxine.”

Ta'aposeli 9:22

Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.