Ta'aposeli 9:2 - Ata New Testament

² Mulai so mulinga noxou lexe ukaukavunu lapasi so anu Sauli ulaixu ne Tamasikusi. Ulaixu ne Tamasikusi mo ulosoie'ixu tatiatila no anu tatasou lavuloto noxi'a Taiuta. Lapasi ne muvikala lexe tatiatila noxi'a tapilisiti ivalaxu xaixai noxou Sauli. Mo so loxo Sauli uxalisi'a tamulu o tasema ta'ei imulinu vote'i noxou Iesua la anu utetelisi'a mo ulaixi'a ilivu ne Ielusalemo.

Ta'aposeli 9:2 Referans Kwoze

Ta'aposeli 19:23

Ioxe, Polu ulutu uao uxolusio, la tu'umaxu vile mu'avuti. Tami­tema se'i la'iaxa'a mo mivikala masua no anu vaikala ane lexe Iesua anusisi Vote'i.

Ta'aposeli 19:9

Ia se'i noxi'a ne opone'i pakia'u mo ilopala uasi xe no ie'i tamitema la mivikala masuaou Vote'i ane muvotovoto no anu. Ane'i mi'oxo axone laso Polu oli'a tamitema e milomuxu vaikalaou xe milopala la mivo­tovoto no tasou lavulotola uasi. No anu voxovoxo utotomu Polu mulanu vaikala no anu tasou lasikulu e milemolu lexe Tilanusu.

Ta'aposeli 24:14

Xe aloxo 'o. Ane'i ivikala lexe eni vile noxi'a ane'i e i'itinu Mosinge ualasou no vote'i nexi mexe texalixu. Manina lexe a'itinu no anu Vote'i alavua, ia Vote'i ne, anu molu mulosinge. Eni alavusou a'itinu Mosinge e Mosi'a ta'ilusu­nexi. Eni opoleli vilesisi no anu lo noxou Mosinge mo vaikalai'a tapolopeti.

Ta'aposeli 24:22

Ioxe, Polu muvikala axone mukalu, la Peliki muvikala lexe lakoti utalo. Anu mutalosou axone xo anu mulamana no anu vaikalai'a tamitema ane imulinu vote'i e noxou Iesua mukalu. Mo mula­mana lexe tava'u ma'ia Taiuta ito'omolu Polu ne. Laso muvikala lexe, “Tila noxi'a ta'ami e Lisiasi uxali 'oe, laso eni avikala lamana lexe mi ano'o vaikalasou ulapau axova.”

Ta'aposeli 18:25

La talopala mipela'u no anu vote'i noxou Tatananenge laixe mo oponu mututulu so uvotovoto. Anu muvotovoto no anu xavi mo loxo mua'aloxu Iesua la a'alo noxou ne mulovosi. Ia anu mulavusou ilixo so kelele noxou Tionisi.

Ta'aposeli 9:14

Mo anu muno'u lapasi noxi'a tatiatila noxi'a tapilisiti so lexe anu ukalavusune'i tamitema ta'ei i'itinu ualasine no tuala ano'o.”

Ta'aposeli 26:12

Mo Polu musolonu vaikala noxou aloxo 'ola, “Ekakamuline'i xe voxo vile la elai ne Tamasikusi. Elai xo tatiatila noxi'a tapilisiti mivalaxo mo etulu no anu xavi noxi'a.

Ta'aposeli 7:19

Ulavusou Iosepu uasi mo mumaisi'a tatiatilasixe lexe mixali milolutu laso mu'ume'a. Mu'ume'a laso mulosi'a tu'umaxu mo muka­si'a no vaikala lexe ipilixine'i ta'ili'a takeakea so isoisolisi.

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Matiu 10:17

Mo ngalaxa'i laixe noxi'a tamitema xo ane'i itulusinge so ikotingengi mo ipua­puasinge no anu tatasou lavuloto noxi'a.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Ta'aposeli 9:21

Muvotovoto xe tamitema milomusou la ane'i mikuluke manina mo mivikalane'i ngato'o lexe, “A itema e mutovonu so lexe umamulonu laili ane i'itinu ualasou Iesua ne Ielusalemo, xe mune'e lai 'o so ukalavusune'i mo ulaixi'a noxi'a tatiatilasi'a tapilisiti, anu itema ano'osi, ne?”

Ta'aposeli 26:10

Exolu ne Ielusalemo la e'oxo axonesi. Tatiatila noxi'a tapilisiti mivalaxo so ekalavusune'i se'i noxi'a tamitemaou Mosinge u'isalili. Xe no voxo loxo mipitanu vaikala so lexe ive'a isoli la eni kalumo evikala axone.

2 Kolini 11:32

No anu Tamasikusi, la tila no anu xamani e muxolu no laxu kingi Aletasi mutulusi'a ta'amiou so miloxo no aitengaxu taoni so ikalavusuleli.

Xalesia 1:17

Mo eni alai avile ne Ielusalemo so axalisi'a ane'i ane mixali ta'aposeli tei noxilo uasi. Eni elai exolu no anu xale lia ne Alevia. Exolu xo xe mukalui laso elivu ene'e ne Tamasikusi.