Ta'aposeli 9:19 - Ata New Testament

¹⁹ Ananaiasi muke­lenixu mukalu xe ili'i la Sauli mu'ani mo mumaulila. La Sauli oli'a tamitema so lopala ne Tamasikusi mixolu voxo se'i.

Ta'aposeli 9:19 Referans Kwoze

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

Xalesia 1:17

Mo eni alai avile ne Ielusalemo so axalisi'a ane'i ane mixali ta'aposeli tei noxilo uasi. Eni elai exolu no anu xale lia ne Alevia. Exolu xo xe mukalui laso elivu ene'e ne Tamasikusi.

Ta'aposeli 11:26

Mulai mukamulinu Sauli xo xe muxalisoui laso ilou milivu ne Anitioki. La ilou mixolu tau ie vile loloni. Ilou mixolu la utotomu mipita no anu pita noxou Tatana­nenge ne Anitioki mo mivotone'i tamitema tavu'alo e tavu'alo. La no tuala anene anu tei manina noxi'a so tamitema mimo­xo'a talopala lexe “tamitemaou Kalaisiti”.

Ta'aposeli 9:18

Ana­naiasi muvikala axone mukalu sila alaxu vilesisi mi loxo sinana xielinu e mutanuxu iou ne mulapau muxexe kaio Sauli mumaleila. Mukalu la anu mutulu mo Ananaiasi mu'oxonu ilixo so kelele noxou.

Ta'aposeli 9:26

Ioxe, mu'ume axone la mulai muxolu ne Ielusalemo. Anu umasaxa lexe u'una noxi'a talopala, ia ane'i mi'umolu. Mi'umolu xo ane'i ilavu lexe anu mulopala uasi ane.

Ta'aposeli 9:38

Anu tualasie Iopa ne anu muxolu alai no tuala Lita. Xe talopala milomu lexe Pita a uxolu ne Lita laso ane'i mipalusi'a tamitema tamei so ivikalanu lexe, “Nini napalea nane'e, navovoxo uasi.”

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.