Ta'aposeli 9:11 - Ata New Testament

¹¹ La Tatananenge muvikala lexe, “Nalutu mo nalai no vote'i e ilemolu lexe Lapusi. Nalai naka­mulinu tani noxou Iutasi mo natali'isouxu itema vile so tuala Tasusi. Itema ne ualasou lexe Sauli. Anu a uxoxolu oponu utatama noxilo.

Ta'aposeli 9:11 Referans Kwoze

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Ta'aposeli 21:39

La Polu muvikalanu lexe, “Uasi, eni Iuta ano'o. Eni so tuala ne Tasusi so xale lia Silisia. Tualasilo ne anu ualasou tatila, tamitema latala ilavusou. Laso maula, eni amasaxau avikalane'i tamitema.”

Ta'aposeli 9:30

Xe ane'i tavimovimou no anu lopala milavusoui la mi'umenu milaixu no tuala Sisalia, mo mipalusou avile mulai ne Tasusi.

Ta'aposeli 11:25

Vanavasi muxolu ne Anitioki xo xe mukalu la mulutu mulai ne Tasusi so mukamulinu Sauli.

Ta'aposeli 11:13

Te'unalai laso anu mua'alomexi so mumaisou angelo vile mupa noxou no tani ne. Angelo mupa la muvikalanu lexe upalusi'a tavoiou i'avalilo ne Iopa.

Ta'aposeli 8:26

Ioxe, angelou Tatananenge vile muvikalanu Pilipi aloxo 'o, “Nini nalutu nalai no anu vote'i e molu ne Ielusalemo ulai no tuala ne Xasa. Vote'i e upolo no xale lia esi'esi.”

Ta'aposeli 2:21

Xe no voxo anene la tamitema mukalusi loxo ilingau su'uli noxou Tatananenge, la ixalisou pamauli.' Anene vaikalaou polopeti Ioeli.”

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Ta'aposeli 8:22

Laso nini naxiunu oponeni no anu susu ano'o mo na'isalilinoxu no anu Mosinge vaikalaou. Mo nakatu noxou Tatananenge so anu ukalusou tina'uxene so susu ano'o.