Ta'aposeli 8:9 - Ata New Testament

⁹ Ioxe, la itema vile so tuala ne ualasou lexe Saimoni. Anu itema so u'oxonu sa iouiou. Anu utotomu mu'oxonu ilixo ne xe loxo nene'axu muxali la tamitema mikuluke no anu. Ane'i mikuluke axone laso anu mutoxu mo u'itinu lexe anu itema tila.

Ta'aposeli 8:9 Referans Kwoze

Ta'aposeli 13:6

La ane'i ilou mixixaosou ailani Saipilasi ne avile. Mixixao xo la mixali no tuala ne Pavosi. No tuala ne ane'i ilou mixalisou Iuta vile ualasou lexe Vaiesusi. Anu itema so u'oxonu sa iouiou mo anu polopeti kalavoi.

Ta'aposeli 5:36

Xo mala'o la itema e Teutasi mu'itinu lexe anu itema tila. La tamitema tavu'alo sevile loxo 400 mipita noxou so loxo anu tatilasi'a. Ia mune'e la tamitema mivau musoli. Mivau musoli laso tami­tema ane mipita noxou mipaxelele mo mi ne tasiaxu vitanisi.

Tioni 7:18

Anu ena'ei loxo ulanu vaikala ane molu muxa­lixusi, la anene anu molu umasaxau u'itinumo ane. Ia ena'ei ane umasaxau u'itinu ualasou anu ane mupalusou mune'e, la anu ne anu maninasi mo mi vile ukilikalu uxolu noxou uasisi.

Ta'aposeli 8:11

Ane'i milomuxu vaikalaou xo tatei mune'e muxali no voxo anene la mimaisou lexe u'oxonu ilixo iouiou ane tane'ililiou.

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.

2 Pita 2:18

Ane'i tamitema ne i'itine'i kaio anaxa'a ulexa no anu vaikala vuluvulusi. Xe ane'i ta'ei ane a isoko'u so ilala se no anu xoluxoluxa'a tamitema so isivoxo la tatisa kalavoi ne ipalea ilapune'i i'una imomomoxu masamasaxa nuni'u no vasime'ala.

2 Timoti 3:5

Tamitema ane xo ne isaxi lexe imulinu ili'ilixo ane Mosinge u'osasou, ia mi ne no anu sosousi, temanu to uasi. Xo xavi manina no anu vaikalaou Mosinge la ixiunu tumali'aou. Laso na'umenu vasi­mene mo naxolu va'axu noxi'a tamitema ane xo ne.

2 Timoti 3:2

Xo no voxo ne la tamitema me'a imasaxai'amo xe opone'i u'oxoxu lamolisi xe i'itine'i no anu vaivaikalai'a xe itoxa'a xe ipupui. Ane'i ilomuxa'a tamami'a taneni'a uasi xe loxo tamitema isu'uline'i axova la ilemolu laixesou uasi xe imatapianu mimi ane Mosinge u'osasou.

2 Tesalonaika 2:4

Upala'a ukalu la uxililiou mimi mukalusi ane tamitema i'oxo lexe momosi'a. Uxililiou mo u'itinu lexe anu uno'u tanitanixu mimi ne so tamitema ilotu noxoumo. Mukalu la utalu­pexa no anu tasou Mosinge mo uvikala lexe anu Mosinge ane.

Ta'aposeli 13:8

Mu'avali'a ia menexu e Vaiesusi ne anu muxilili'a Vanavasi ilou Sauli xo anu umasaxa so tatila no anu xamani ne ulopala noxou Iesua uasi. Vaiesusi ne anu ualasou vilela lexe Elimasi xo anu uala ne laxu lexe itema so sa iouiou.