Ta'aposeli 8:30 - Ata New Testament

³⁰ Ioxe, Pilipi muiave mulai muxali no kali pa'umolu la mulomusou itema ne lexe mu'itisou vaikalaou polopeti Aisaia. La Pilipi mutali'isou lexe, “Xo nini nalavu­sou laxu vaikala ane na'itisou ne, o uasi?”

Ta'aposeli 8:30 Referans Kwoze

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

Epesusi 5:17

Mamu so nga'o­xonu ili'ilixo vuluvulusi. Ngalavu laixe no anu masaxa noxou Tatananenge so singe.

Matiu 15:10

Ioxe, Iesua mu'avali'a tamitema latala mine'ene'e noxou ka muvi­kalane'i lexe, “Ngalomusou vaikala ano'o mo ngano'u lavulavu.

Matiu 13:23

Ia tamitema se'i ne opone'i uloxu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 100 xe se'i nene'axu 60 xe se'i nene'axu 30.”

Matiu 13:19

Aloxo 'o. Tamitema mose'i ilomusou vaikala laixe so Mosinge u'uli laxune'i tamite­maou no tuala­sou. Ilomusou ia upalasi noxi'a uasi laso Uluaou upalea utokinu vaikala ne uxexe. Anu loxo uiti ngiaxu ane mulapau no vote'i so xai.

1 Kolini 14:19

Eni alavu axone ia anu mi vitanisi. Xo loxo tatemanu pita ipita xe loxo alexa no anu vaikala iou vilemo ane ilavusou uasi, la anu usu'uline'i axova? Ia loxo pelototo se ataxu ane axuvutalanu lamana mo apalasinoxu noxi'a tamitema no anu vaikalai'a, laso ane. Anu usu'uline'i ane.

Maki 13:14

Ioxe, Iesua musolonu vaika­laou, ia itema ena'ei u'itisou la uxavu­talanu laxu laixe. Muvikala aloxo 'o, “Xe ili'i la ngamaisou mi e so matapia mo mamulo uxolu no tanixu e tavu no anu. No voxo loxo ngamaisou uxolu ne la laixe so Taiutea i'ume'ume ilai italume no la'ola'olu.

Matiu 24:15

Ioxe, Iesua musolonu vaika­laou, ia itema ena'ei u'itisou la uxavutalanu laxu laixe. Muvikala aloxo 'o, “Laso ili'i la ngamaisou mi e so matapia mo mamulo uxolu no tanixu malemalenga. Vaikala­sou mi ne Mosinge mupolonu noxou polopetiou Tanieli tatei.

Matiu 13:51

Mukalu la Iesua mutali'isi'a tatisaipeli lexe, “Axova, vaivai­kala ano'o mukalusi mupalasi noxinge?” La ane'i mikolinu lexe, “Ani, mupalasisi.”

Mupala'a 13:18

Laso loxo ena'ei lavulavuou laixe, la mi 'o masi upala'a noxou. Upala'a noxou xo utongonu nava noxou mi vova ne lexe anu nava noxou itema vile. La anu nava noxou 666.

Ta'aposeli 8:27

Pilipi mulomu mukalu la mulutu mulai. Mulutu mulai xe no vote'i la muxalisou itema so xale lia ne Itiopia. Anu itema tila no anu xamani, xaixai noxou so usaxila'u lamoliie xe mimiie kuinii'a Ta'itiopia. Kuini ne, mimoxo'e lexe Kanitasi. Itema tila ne mune'e ne Ielusalemo so mu'itinu Mosinge ualasou xe anu a ulalai so ulivu no tualasou.

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Ta'aposeli 8:5

Xe itema e ualasou lexe Pilipi, anu mulai no tuala vile no xale lia ne Samalia mo mua'aloxu Kalaisiti noxi'a.

Ta'aposeli 8:29

La Pilipi mumaleisou sila Ulenu Laixe muvikalanu lexe ulai mo umuamua'i alai noxou itema tila ne.

Ta'aposeli 8:31

La anu mukolinu Pilipi lexe, “Alamana axovae? Evile uxolu so ululusou noxilo uasi.” Mukalu la anu mulinga noxou Pilipi lexe utelo so ilou ixolu no kali.