Ta'aposeli 8:16 - Ata New Testament

¹⁶ Xo Ulenu Laixe uxali noxi'a uao. Ane'i mi'oxonu ilixo so lexa lumamo ia mi'oxonu no anu ualasou Iesuasi.

Ta'aposeli 8:16 Referans Kwoze

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

Ta'aposeli 19:2

La mutali'isi'a aloxo 'o, “No voxo ane ngelopala la Ulenu Laixe muxali noxinge o uasi?” La ane'i mi'oxo lexe, “Uasi, uala ane Ulenu Laixe ne talavusou uasi.”

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Xalesia 3:27

Ngingi ane ngexalisou kelele so nge'una noxou Kalaisiti, la ngesu'asinge avile noxou aloxo itema usu'asou no anu lavalava.

Lomu 6:3

Xo axova, ngingi ngala­mana no anu laxu latilovo e ilixo so kelele uao? Xo tamitema mike­leninenge no lexa mukalu, la anu axone kalumo Mosinge mukele­ninenge no anu soli noxou Kalaisiti Iesua.