Biblia Todo Logo
Bib sou entènèt

- Piblisite -




Ta'aposeli 8:12 - Ata New Testament

12 Ia voxo loxo Pilipi muvotovoto no anu vaikala laixe so voxo loxo Mosinge molu u'uli laxune'i tamitemaou mo mua'aloxu Iesua Kalaisiti, la ane'i milopala. Ane'i milopala mukalu la mi'oxonu ilixo so kelele, tasema xe tamulu.

Gade chapit la Kopi




Ta'aposeli 8:12
22 Referans Kwoze  

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.


Xo tei la anu mutavulenu tu'umaxu mo musoli. Ia Mosinge mupamaulinu mukalu la anu mumaxa'u noxi'a tamenexu. La anu muxolu no taine'i voxo 40 mo mumaxa'u noxi'a alaxu tavu'a­lo so ilavu manina lexe anu mu­mau­lila. Mo muvikalane'i so voxo ane Mosinge molu u'uli laxune'i tamitemaou.


Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.


La anu axone kalumo ilixo so kelele anu latilovosou pamauli e muxa­lisinge. Anu mi so uxexenu mi masua no anu vasimenge uasi. Anu vavalima noxou Mosinge lexe nenge taxolu tanenge malemalenga no iou, la tava'u xo anu mutulusou Iesua Kalaisiti no anu soli.


La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.


Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.


Xo loxo itema vile ulopalanu Mosinge vaikalaou la anu uvikala lexe, “Ai, vaikala ano'o maninasi.” Loxo u'oxo axone la Mosinge ulemolu lexe anu malemalenga. Xe loxo u'oxo lexe, “Anu ane, eni alopala noxou Iesuasi.” La Mosinge upamaulinu itema anene.


Anene manina ia no anu xoluxolunenge noxou Tatananenge la loxo tasemamo xe tamulumo uasi. Ane'i ixolu so ivalaxa'a ngato'o.


Oli'a ivivikala la anu u'ume uasi so ulanu vaikala so voxo ane Mosinge molu u'uli laxune'i tamitemaou. Mo anu muvotovoto so Tatananenge Iesua Kalaisiti la evile u'apixu uasi.


Laso tavivilo ngalomu. Tatei eni exolu no taingengi so epela'ingexu voxo ane Mosinge molu u'uli laxune'i tamitemaou. Ia vaimomo 'o eni alavu lexe ngingi mukalusi ngamaisou ielila uasi.


Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.


Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.


Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.


Mi'ume'a axone ia tamitema tapiena milolopala noxou Tatana­nengesi. Milolopala laso ane'i mitoxo noxi'a talopala.


“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”


Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.


La ane'i tamitema so lopala ane mipaxelele la mivulunu vaikalaou Mosinge no tuala aneva ane'i milai no anu.


Xe ane'i milomuxu, laso Polu mu'oxonu ilixo so kelele noxi'a, xo ane'i mixali lamana noxou Tata­nanenge Iesua.


Swiv nou:

Piblisite


Piblisite