Ta'aposeli 8:1 - Ata New Testament

¹ La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

Ta'aposeli 8:1 Referans Kwoze

Ta'aposeli 22:20

Xe no voxo ane mivau Sitiveni musoli mo sialuxu munixi xo mua'aloxene, la eni opoleli vilesisi noxi'a. Xo eni etulu alai so asaxila'u lasiotii'a tamitema a mivavau ne.'

Ta'aposeli 7:58

Mitete­lisou mukalu la milaixu noale no utu la milealeaxu no anu lavolavo'o so ivau usoli. La tamitema e mito'omolu no anu vaikala no lakoti, mixexenu lasotii'a veveni mo mimulaxu no tava'u maulu vile. Maulu ne ualasou lexe Sauli.

Ta'aposeli 5:40

Ioxe, ane'i mi'avali'a ta'aposeli mi'unala la mivikalane'i tamitema so latolo lexe ipuapuasi'a no anu leti tavalanu ane misakinu mimi ana'anaxu no anu. Mo ane'i mivikala pakia'ula lexe mamu so ivotovoto no anu ualasou Iesua. Mukalu la mi'italone'i milaisi.

Ta'aposeli 5:33

Xe ane'i tatiatila milomusou vaikala anene, la mixamulinu lexe muto'omolu opone'i. La la'iaxa'a manina, mo mi'oxo lexe ive'ave'a ta'aposeli isoli.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Ta'aposeli 8:14

Ioxe, ane'i ta'aposeli mixolu ne Ielusalemo la milomu lexe Tasa­malia mi'osasou mo milomuxu vaikalaou Mosinge. Milomu axone laso mipalusi'a Pita ilou Tioni so milai noxi'a.

Ta'aposeli 9:31

Laso no voxo anene la tatemanu pitapita no xale lia ne Iutea xe ne Xalili xe ne Samalia mixolu se'isisi, itavulenu tu'umaxu vile uasi. Ane'i mixali pakia'a mo Ulenu Laixe mu'oxonu opone'i mu'osa. Mo tamitema tapiena mi'una noxi'a la oli'a mixolu so Tatananenge molu mu'uli laxune'i.

Ta'aposeli 8:4

La ane'i tamitema so lopala ane mipaxelele la mivulunu vaikalaou Mosinge no tuala aneva ane'i milai no anu.

Tioni 15:20

Tangengi uno'u vaikalaxeli e elemolu noxinge lexe, 'Uokuvoi tanixu uua'ulixu ane noxou tilasou uasi.' Laso loxo ane'i milosilo tu'umaxu aloxo 'o, la ane'i ilosinge tu'umaxu kalumo ane. Mo loxo ane'i mimulinu vaikalaxeli la ane'i imulinu vaikalamengi kalumo.

Ipilu 11:27

Mo xo no anu lopalasi laso Mosisi muxexe­sou xale lia ne Isipi, u'umolu la'ia noxou kingi uasi. Xo manina, nenge tamitema vote'i so tasaxisou Mosinge no ienge uasi. Ia noxou Mosisi la mutulu pumuxu avile axone la anu loxo musaxisou no iou lavo'onu ane.

Pilipai 1:12

Ioxe tavivilo, eni amasaxau lexe ngalavu aloxo 'o. Mi e muxali noxilo 'o ne anu so u'apixu vaikala laixe uasi, anu musounu musu­kusuku ane.

Ta'aposeli 13:1

Ioxe, no anu pita noxou Tatananenge ne Anitioki ne tamitema so pela'a xe tatisa so votovoto se'i a mixoxolu. Ualaua­lasi'a aloxo 'o. Vanavasi xe Simioni ualasou vilela lexe Nixeli xe Lusiusi so tuala Sailini xe Sauli xe Manaini. Manaini ne anu menexu itema tila no anu xamani so xale lia ne, ualasou lexe Eloti.

Ta'aposeli 7:38

Xe ili'i anu oli'a ta'ilusunenge milai mixolu mipita no xale lia esi'esi. Milai mixolu la anu mutelai no la'olu Sainai mo angelo mulosou vaivaikala ane umamauli. Mulosou so une'e avile uxali noxinge.

Ta'aposeli 5:20

“Ngingi ngalai ngatulu no anu matama­taunaxu tasou Mosinge. Ngatulu mo ngaa'aloi'a tamitema no anu a'alo so mauli alavua e muxali noxinge.

Ta'aposeli 5:18

Mi'isuisu axone laso mi'avuti mipalusi'a tavoii'a so mitetelisi'a ta'aposeli mo mimulaxa'a no tasou lakala­vusu.

Ta'aposeli 2:47

La ane'i mixolu mi'itinu Mosinge ualasou mo tamitema mimaisi'a la mi'oxo lexe ilixo noxi'a ne laixe. La voxo utotomu Tatananenge mupa­mau­­line'i se'ila, ka mupitane'i kalumo noxi'a tamitema so lopala.

Tioni 16:2

Xo Taiuta ikusainge so nga'una no anu tatasou lavuloto noxi'ala uasi. Mo voxo vile uxali ili'i la tamitema ivenge ngasoisoli xo ikalavoi lexe no anu anene la ane'i a i'oxonu xaixai noxou Mosingemo.

Matiu 23:34

Laso ngalomu. Eni apalusi'a tamitema so pela'a xe ane'i ane lavulavui'a xe ane'i ane so ipala'anixu laxu vaikala ine'e noxinge. Ia ngingi ngave'a se'i isoisoli xe se'i ngalilixa'a no ovu valautu xe ngapuapuasi'a se'i nonano no tasou lavuloto noxinge. Mo ngingi ngavokomuline'i no tuatuala.

Matiu 22:6

Xe se'i noxi'a mitetelisi'a tauokuvoiou kingi sika mi'otu'otune'i lapilai uasisi mole misoisoli avile.

Matiu 5:13

Xe Iesua muvikala aloxo 'ola, “Ngingi loxo ausou lialia. Ia loxo au tu'axu ukalu la vote'i so taxalisou tu'axula axova? E uasi, anu xaixai no anula uasi. Anu usu'a vitanisi ka tamitema imuamua'isousi.

Ta'aposeli 7:54

Ioxe, ane'i tatiatila milomusou vaikalaou Sitiveni la la'iaxa'a manina mole anaxa'a mukala­kikiou.

Ta'aposeli 8:2

Sitiveni musoli xe tamitema se'i ane mimama'u noxou Mosinge la mi'asixu. Mi'asixu mo tane'ixu misevile.

Ta'aposeli 8:5

Xe itema e ualasou lexe Pilipi, anu mulai no tuala vile no xale lia ne Samalia mo mua'aloxu Kalaisiti noxi'a.

Ta'aposeli 13:36

Teviti muvikala axone, ia anu uvikalasou anu molu uasi. Xo nenge talavu lexe anu mumulinu masaxa noxou Mosinge no taine'i tamenexu xo xe mukalu, la musoli. Musoli xe mi'asixu no lamati­matisi'a ta'ilusunu la vasimolu mu'ui nesi.

Ta'aposeli 26:10

Exolu ne Ielusalemo la e'oxo axonesi. Tatiatila noxi'a tapilisiti mivalaxo so ekalavusune'i se'i noxi'a tamitemaou Mosinge u'isalili. Xe no voxo loxo mipitanu vaikala so lexe ive'a isoli la eni kalumo evikala axone.

Lomu 1:32

Xe ane'i ilavusou lo malemalenga noxou Mosinge lexe lakolisou ilixo anene solisi. Ilavusou ia ane'i opone'i ututuluou mi aloxo nesi. Opone'i ututuluou, xe kalumo la i'itinu ualasi'a ta'ei loxo imulinu ili'ilixo anene.