Ta'aposeli 6:9 - Ata New Testament

⁹ Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Ta'aposeli 6:9 Referans Kwoze

Ta'aposeli 23:34

Milosou lapasi xe mu'itisou la mutali'i noxou Polu lexe, “Nini so polovinisi aneva?” La Polu mu'oxo lexe, “Eni so Silisia polovinisi.”

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Matiu 27:32

Ioxe, ane'i a mila la mixalisou itema vile so tuala Sailini ualasou lexe Saimoni. La mipalupalusou so utavulenu ovu valautusou Iesua.

Xalesia 1:21

Xe mune'e la exixaosou polovinisi tamei ne Silia xe Silisia.

Ta'aposeli 21:27

Mune'e xe voxo 7 so ili'ilixo so malemalenga a so ukalui la Polu muxolu no tasou Mosinge. La Taiuta se'i so Esia polovinisi mine'e la mimaisou Polu a muxolu nonano ne. Mimaisou axone la ane'i mi'avutinoxu tamitema opone'i so la'iaxa'aou Polu, sila ane'i mite­telisou avile mo mi'ava'ava tatila lexe,

Ta'aposeli 19:10

Anu muxolu mu'oxo axone mumomomo no anu tau ie tamei. Laso tatemanu Esia polovinisi, Taiuta xe Takiliki latala ne milomusou vaikalaou Tatana­nenge.

Ta'aposeli 18:24

Ioxe, no voxo anene la Iuta vile anu so tuala ne Alekisanita mulai ne Epesusi. Anu ualasou lexe Apolosi. Apolosi ne anu lavulavu noxou mutiatila no anu Mosinge vaikalaou mo anu itema so vaikala laixe.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Luku 21:12

Ia tei no anu mimi anene la i'oxongengi aloxo 'o. Ane'i iteteli­singe mo ilosinge tu'umaxu. Xe ikotingenge no anu tatasou lavu­loto ka ipilixingengi no lakalavusu. Mo tava'u xo ngingi ngatavulenu ualasilo laso itulusinge no laxune'i taxamani xe takingi.

Maki 13:9

Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Matiu 10:17

Mo ngalaxa'i laixe noxi'a tamitema xo ane'i itulusinge so ikotingengi mo ipua­puasinge no anu tatasou lavuloto noxi'a.

1 Kolini 1:20

Laso nenge tavikala axova so lavulavu toxoxa'a noxi'a takeleva? Xe axova noxi'a tamitema so lavulavu no anu lo xe noxi'a tami­tema so i'itine'i no anu vaivaikala vai­momo 'o? Xo Mosinge muma­xa'u lexe lavulavu so lialia ano'o ne mi vuluvulusi.

Ta'aposeli 26:11

Mo alaxu tavu'alo eni e'una'unalai no anu tatasou lavuloto so ekamuline'i talopala. Ekamuline'i xe exalisi'a la epilixine'i noxi'a tatiatila so ixalisou tu'umaxu. Mo ekamulinu vote'i so tamitemaou Iesua ivikala masuasou ualasou. Mo eni opoleli sixulai'a axone la ekakamuline'i no tuatuala nopaxapaxa kalumo.”

Ta'aposeli 22:19

La eni evikala lexe, 'Tatanaleli, ane'i me'a milavusilo. Xo mala'o eni elai no tatasou lavuloto so lexe atetelisi'a ka akalavusune'i xe so ave'ave'a ane'i ane milopala noxine.

Ta'aposeli 21:39

La Polu muvikalanu lexe, “Uasi, eni Iuta ano'o. Eni so tuala ne Tasusi so xale lia Silisia. Tualasilo ne anu ualasou tatila, tamitema latala ilavusou. Laso maula, eni amasaxau avikalane'i tamitema.”

Ta'aposeli 19:26

Ia ngingi masi ngamaisou mo ngalomusou vaikalaou itema e Polu ne. Anu a ulapune'i tamitema tavu'alo mo uxovulaulaunixi'a. Anu a u'oxonu ne Epesusi xe no tuatuala no Esia polovinisi mukalusi. Mo anu utotomu uvikala lexe momosinge taxalixu no avonge 'o, anu mosinge maninasou uasi.

Ta'aposeli 13:45

Ia tatia­tila noxi'a Taiuta mimaisi'a tami­tema lexe ane'i latala mipita axone la ane'i mi'isu. Mi'isu mo mivikala masua so ixililiou vaikalaou Polu.

Ta'aposeli 13:1

Ioxe, no anu pita noxou Tatananenge ne Anitioki ne tamitema so pela'a xe tatisa so votovoto se'i a mixoxolu. Ualaua­lasi'a aloxo 'o. Vanavasi xe Simioni ualasou vilela lexe Nixeli xe Lusiusi so tuala Sailini xe Sauli xe Manaini. Manaini ne anu menexu itema tila no anu xamani so xale lia ne, ualasou lexe Eloti.

Ta'aposeli 11:20

Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.

Matiu 23:34

Laso ngalomu. Eni apalusi'a tamitema so pela'a xe ane'i ane lavulavui'a xe ane'i ane so ipala'anixu laxu vaikala ine'e noxinge. Ia ngingi ngave'a se'i isoisoli xe se'i ngalilixa'a no ovu valautu xe ngapuapuasi'a se'i nonano no tasou lavuloto noxinge. Mo ngingi ngavokomuline'i no tuatuala.

Ta'aposeli 6:10

Mixililiou ia Ulenu Laixe mulosou lavulavu laso imomomo so iua'ulixu vaikalaou uasi.

Ta'aposeli 24:18

Elai no tasou Mosinge axone ia tei la emulinu ili'ilixo so malemalenga. No voxo e tamitema mixalisilo xe mitetelisilo la exolu no anu matamataunaxu tasou Mosinge so e'oxonu ili'ilixo anene. Mixalisilo axone la nexi noxi'a se'i uasi, eni enisisi. Mi vile tu'umaxu so e'una no anu uasi.