Ta'aposeli 6:7 - Ata New Testament

⁷ Ioxe, laso vaikala noxou Mosinge musukusuku la navasi'a tamitema so lopala ne Ielusalemo mutiatila e mutiatila manina. Mo tapilisiti tapiena kalumo milomuxu Mosinge vaikalaou mo milopala.

Ta'aposeli 6:7 Referans Kwoze

Ta'aposeli 19:20

Mi'oxo axone laso vaikalasou muiaveiave no tuatuala. La no anu vote'i anenesi vaikalaou Tatana­nenge musukusuku no tuatuala mo pakia'u misevile.

Ta'aposeli 12:24

Ia vaikalaou Mosinge xavinu mo musukusuku no xalexale tua­tuala.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

Lomu 1:5

Laso tava'u so Mosinge mutulusixe ta'aposeliou ne, a no anu iaiama noxou Olusi. Mutu­lusixe so tapitane'i tamitema noale'ale no anu ualasou Iesua, mo so ilopala noxou mo imulinu vaikalaou.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ipilu 11:8

Xo no anu lopalasi laso no voxo Mosinge mu'avalou Apala'amu la anu mulomuxu mo mulutu mulai no tuala ane Mosinge muvavalimasou lexe ulosou. Mulutu mulai ia ulavusou lexe ulai ne'ei uasi.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

2 Tesalonaika 1:8

Mo anu uveluvelunu lakolisou tu'umaxu noxi'a tami­tema ane ilavusou Mosinge uasi mo ilomuanu vaikala laixe so Tatananenge Iesua.

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

Ta'aposeli 13:8

Mu'avali'a ia menexu e Vaiesusi ne anu muxilili'a Vanavasi ilou Sauli xo anu umasaxa so tatila no anu xamani ne ulopala noxou Iesua uasi. Vaiesusi ne anu ualasou vilela lexe Elimasi xo anu uala ne laxu lexe itema so sa iouiou.

Tioni 12:42

Ia manina, tavu'alo noxi'a tatiatilasi'a Taiuta kalumo milopa­lanu Iesua ia mi'ume'a Tapalisi xo loxo 'o io ikusasai'a so i'una no anu tasou lavulotola uasi. Laso ipala'anixu lexe milopalanu axone uasi.

Luku 2:34

Mukalu la Simioni muvikala laixe so xoluxoluxa'a mo muvika­lane keakea nenu Malia aloxo 'o, “Nalomu, noxou molomolo soxu e Mosinge musosovosou 'o la Ta'isi­laeli tavu'alo ixalisou mamulo xe tavu'alo ixalisou pamauli. Mosinge musosovosou ia ane'i latala ixili­liou.

Matiu 19:30

Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.

Ta'aposeli 2:47

La ane'i mixolu mi'itinu Mosinge ualasou mo tamitema mimaisi'a la mi'oxo lexe ilixo noxi'a ne laixe. La voxo utotomu Tatananenge mupa­mau­­line'i se'ila, ka mupitane'i kalumo noxi'a tamitema so lopala.

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Xalesia 1:23

Ane'i milomusou a'alo­silosi lexe, “Mosou e mulavusou ulosinge navunavu tatei a vai­momo 'o ulanu vaikala laixe so lopala e molu mutovonu so umamulonu.”

Xalesia 6:10

Laso ane, loxo nenge vote'i la ta'oxonu laixe noxi'a latala mukalusi. Xe loxo tavivinge no anu lopala la xavinengeou avile so ta'oxonu noxi'a.

Iuti 1:3

Ioxe tamaula, eni opoleli mutu­tulu lexe akaukavu ulai noxinge so usu'ulinu xavutalamengi no anu pamauli ane nenge nenge'a texa­lisou mukalu. Ia examulinu lexe eni masi akaukavunu vaikalasou ngiou vile aloxo 'o kalumo. Amasaxau a'avutinixinge so ngasoa pakia'u mo ngautululunu lopala na'a nenge. Vaikala so lopala anene Mosinge mupilixinu loloni noxinge tamite­maou mu'isalili mo ili'i la uxiunu o usolonu no latanu la uasisi.

Iuti 1:20

Ia tamaula, loxo noxinge la nga'italongengi mo so lopala laixe noxinge uxalixu lemengenge. Mo ngapilixingengi noxou Ulenu Laixe so upamuxangengi no anu vaikala e ngalemolu noxou Mosinge.