Ta'aposeli 6:6 - Ata New Testament

⁶ Ane'i miilone'i mukalu la mine'ene'i noxi'a ta'aposeli 12. Mine'ene'i laso ta'aposeli mimulaxu avo'a no anu kisi'a tamulu 7 ne so isosovosi'a. Misosovosi'a mo milingau su'uli noxou Mosinge so xaixai noxi'a.

Ta'aposeli 6:6 Referans Kwoze

2 Timoti 1:6

Laso eni amasaxau a'avutinixine no anu mi laixe e Mosinge mupilixinu noxinge no voxo loxo emulaxu avolo noxine tatei. Mupilixinu noxinge la aloxo navusi, laso nini natautauxu so uka alavuala.

Ta'aposeli 1:24

Mileme'a mukalu la mivikala noxou Mosinge aloxo 'o, “Tata­nanexi, nini nalavusou opone'i tamitema mukalusi. Nini mene nalosoiexi lexe nini nailounu itema aneva noxi'a ilou 'o.

1 Timoti 4:14

Xe loxo nini Timoti, Ulenu molu mulosine lavulavu so xaixai noxine ne laso kalakalaxene uasi. Mulosine mala'o loxo milemolu vaikala so pela'a so xoluxolu noxine mo tamitema so saxila'u mimulaxu avo'a no kisine.

Ta'aposeli 8:17

Ane'i ilou mivikala noxou Mosinge la mimulaxu avo'a no kisikisi'a tamitema laso Ulenu Laixe muxali noxi'a kalumo.

Ta'aposeli 13:3

Laso ane'i mixolu mixolu i'ani uasi, mivikala noxou Mosingesi. Mixolu xo la mimulaxu avo'a no kisi'a ilou so lexe ipilixine'i noxou Mosinge no anu xaixai noxi'a ne. Mukalu laso mipalusi'a milai.

Ta'aposeli 9:17

Muvikalanu mukalu laso Ananaiasi mulutu mulai. Mulutu mulai xo xe muxali no tani xe mu'unalai laso mumulaxu avolu noxou Sauli mo muvikala aloxo 'o, “Vivilo Sauli, Tatananenge Iesua e muxali noxine no vote'i ne, mupalusilo ene'e noxine. Ene'e so ieni ukala mo Ulenu Laixe uxolu noxine mo upamuxaneni.”

1 Timoti 5:22

Mo mamu so napalea so namulaxu avone noxou itema vile so natulusou no anu xaixai noxou Mosinge. Loxo itema vile so nasosovosou la naxolu nautitiou xoluxolu noxou laixe mo so susu utelosou ualasine uasi. Xo loxo 'o io natulusou palea xe ulapau no anu susu la anu loxo usu'asine kalumo.

Ipilu 6:2

Mo kalumo mi loxo lavuloto so ili'ilixo no anu ulo'ulo mo ane so tamulaxu avonge xe vaivaikalasou voxo so tatulu tamauli no anu soli mo voxo so tamitema ixalisou nene'axu ilixo noxi'a kaluxu uasi ne, mimi axone ta'oso'oso no anu uasi.

Maki 5:23

Mulalusi no tava'u la mulinga pakia'u noxou Iesua lexe, “Maulao, alixeli sema so isoli. Nane'e namulaxu avone noxie so laixene mo imauli.”

Ta'aposeli 9:12

Anu iou isivoxo ia anu muai musaxi lexe nini Ananaiasi nexali nemulaxu avone noxou so iou ukala.”

Ta'aposeli 19:6

Mi'oxo axone xe Polu mumulaxu avolu no kisi'a la Ulenu Laixe mune'e muxolu noxi'a. La ane'i mivikala no anu vaikala iouiou mo mipela'axu Mosinge vaikalaou.