Ta'aposeli 6:5 - Ata New Testament

⁵ Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Ta'aposeli 6:5 Referans Kwoze

Ta'aposeli 11:24

Anu Vanavasi ne anu itema laixe mo Ulenu Laixe mupamuxanusi mo loxo mi ma'ia uxali la mulopalasi. Anu itema axone laso loxo muvotovoto la tamitema milomuxu mo milopala noxou Tatananenge.

Ta'aposeli 21:8

Texolu xe no kakaula la nexi telutu teiave no lasipila. Telutu teiave xo la texali avile tesua no tuala ne Sisalia. Telu'e la telai no tani noxou Pilipi e itema so votovoto. Pilipi e anu vile noxi'a tamitema 7 so su'uli e misosovosi'a mala'o. Telai no tasou so noxi'a texolu.

Ta'aposeli 6:8

Ioxe, Mosinge mu'oxonu iaiama noxou Sitiveni mo mulosou xavi so u'oxonu sosovo so xavi tiatila iouiou no taine'i tamitema.

Ta'aposeli 7:1

Tamitema mikalavoisou Sitiveni axone mukalu laso tatila noxi'a tapilisiti mutali'isou lexe, “Vaikala ano'o ito'omene no anu manina o uasi?”

Ta'aposeli 6:3

Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

Ta'aposeli 13:1

Ioxe, no anu pita noxou Tatananenge ne Anitioki ne tamitema so pela'a xe tatisa so votovoto se'i a mixoxolu. Ualaua­lasi'a aloxo 'o. Vanavasi xe Simioni ualasou vilela lexe Nixeli xe Lusiusi so tuala Sailini xe Sauli xe Manaini. Manaini ne anu menexu itema tila no anu xamani so xale lia ne, ualasou lexe Eloti.

Ta'aposeli 11:19

Ioxe, mala'o no voxo loxo mivau Sitiveni musoli la talopala mixalisou tu'umaxu kaio mipa­xelele milai no xale tuatuala. Se'i milai nopaxapaxa mo mixali avile ne Vonisia xe ne Saipilasi xe ne Anitioki. Ane'i milailai la mivo­tone'i Taiutasi.

Ta'aposeli 6:10

Mixililiou ia Ulenu Laixe mulosou lavulavu laso imomomo so iua'ulixu vaikalaou uasi.

Mupala'a 2:15

Anu iou vilesisi a loxo se'i no taingengi e imulinu vaikalaou Nikolasi ne.

Mupala'a 2:6

Ia mi ane noxinge a'osasingexu ane ngamatapianu ili'ilixo noxi'a Tanikolasi. Xo eni kalumo amatapianu ilixo noxi'a.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Matiu 23:15

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­lamengi ilou ilixomenge vilesisi uasi. Xo ngingi ativoku so ngaxixao no luaki loxo'u mo no lialia so ngalapune'i se'i so ixiu i'una no anu vote'i e Mosinge mulosinge Taiuta. Ia loxo vile noxi'a u'una noxinge axone la ngaolexu no anu ilixomengi mole ngapalusou no navu so mamulo xo ilixou masua u'ualixu noxinge ne.

Ta'aposeli 2:4

La Ulenu Laixe muxali noxi'a latala ne mo ane'i mi'ana'ana noxou. La Ulenu mulosi'a xavi so ane'i misoko'u so mivikala no anu vaikala iouiou ane ilavusou tei uasi.

Ta'aposeli 11:20

Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.

Ta'aposeli 11:22

Ioxe, tatemanu pita ne Ielusa­lemo milomusou a'alosou mi ne laso mipalusou Vanavasi mulai ne Anitioki.

Ta'aposeli 11:26

Mulai mukamulinu Sauli xo xe muxalisoui laso ilou milivu ne Anitioki. La ilou mixolu tau ie vile loloni. Ilou mixolu la utotomu mipita no anu pita noxou Tatana­nenge ne Anitioki mo mivotone'i tamitema tavu'alo e tavu'alo. La no tuala anene anu tei manina noxi'a so tamitema mimo­xo'a talopala lexe “tamitemaou Kalaisiti”.

Ta'aposeli 11:27

Ioxe, no voxo anene la tamitema so pela'a se'i me'a ne Ielusalemo mixali ne Anitioki.

Ta'aposeli 22:20

Xe no voxo ane mivau Sitiveni musoli mo sialuxu munixi xo mua'aloxene, la eni opoleli vilesisi noxi'a. Xo eni etulu alai so asaxila'u lasiotii'a tamitema a mivavau ne.'