Ta'aposeli 6:3 - Ata New Testament

³ Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

Ta'aposeli 6:3 Referans Kwoze

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

3 Tioni 1:12

Ioxe, noxou vivinge Temitiusi la tamitema mukalusi ipala'anixu lexe ilixou laixe. Xe loxo talomu­sou vaikala anu temanu manina la upalasinoxu ilixou itema ne lexe ulovou. Mo eni kalumo avalaxu vaikala so ilixou ne, mo nini nelavu lexe eni avikala maninasi.

Tiemisi 1:17

Mimi lailaixe mukalusi ane taxalisou ne molu no tualasou Mosingesi. Maminge e mosou mimi ane uka no loxotolo molu upilipilixinu nene'axu alauna mulomotele noxinge. La mimi no loxotolo loxo uiesou lialia la uxiuxunu xalexalexu, ia noxou Mosinge la ilixo noxou uxiuxiu axone uasisi.

Epesusi 5:18

Mo mamu so ngaiexu lexa pakia'u mo so ngasipaki xo axone la uvila'i­singe ane. Nga'italongengi so Ulenusi uana'ana noxinge mo upamuxangengisi.

1 Kolini 16:3

Mo ngasoso­vosi'a se'i noxinge so loxo eni axali noxinge la apalusi'a isaxanu lapasi se'i xe su'uli noxinge ne so ulai noxi'a Taielusalemo.

Ta'aposeli 22:12

La no tuala Tamasikusi ne itema vile a muxoxolu, ualasou lexe Ananaiasi. Anu itema ne mumama'u noxou Mosinge mo oponu mututulu lexe umilunu lavuloto noxou. Taiuta no tuala ne ilavusou itaxanu itema ne.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 6:6

Ane'i miilone'i mukalu la mine'ene'i noxi'a ta'aposeli 12. Mine'ene'i laso ta'aposeli mimulaxu avo'a no anu kisi'a tamulu 7 ne so isosovosi'a. Misosovosi'a mo milingau su'uli noxou Mosinge so xaixai noxi'a.

Ta'aposeli 2:4

La Ulenu Laixe muxali noxi'a latala ne mo ane'i mi'ana'ana noxou. La Ulenu mulosi'a xavi so ane'i misoko'u so mivikala no anu vaikala iouiou ane ilavusou tei uasi.

Ta'aposeli 1:21

Laso nenge tasosovosou itema vile so uno'u Iutasi tanixu. Ia tano'u itema alavua uasi. Tano'u itema vile ane noxou texolu tatei mo temulinu Tatananenge Iesua no voxovoxo loxo muxixao.

Matiu 23:8

Ia mamu so tamitema imo­xo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane.

1 Kolini 12:8

Xo aloxo 'o. Se'i so ilanu vaikala so lavulavu ane u'asi'asi xe se'i so ipala'anixu laxu vaikala ne. Ia lavulavu ne molu noxou Ulenu Laixesi.

Ta'aposeli 16:2

Ane'i tavi­vinge talopala ne Lisitila xe ne Aikoniamu milemolu ilixou lexe laixe.

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Ta'aposeli 9:30

Xe ane'i tavimovimou no anu lopala milavusoui la mi'umenu milaixu no tuala Sisalia, mo mipalusou avile mulai ne Tasusi.

Tioni 21:23

Laso maixene vaikala mulailai noxi'a tavivinge no anu lopala lexe tisaipeli anene usoli uasisi. Ia vaikala e lexe usoli uasi ne Iesua ulemolu uasi ane. Muvikalasi lexe, “Loxo no anu masaxa noxilo itema ne uxolu avile uxali no anu lailivu noxilo la anu mi na'a nini uasi.”

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

Ta'aposeli 6:2

Xe ta'aposeli 12 milo­musou vaikalai'a axone la mi'avali'a talopala mine'e mipita. Mipita la mivikala lexe, “Nexi ta'au'au no anu xaixai noxixe so vaikalaou Mosinge. Laso umo­momo so nexi tatavulenu xaixai ane so tavelunu la'ilali kalumo uasi.

Ta'aposeli 6:5

Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Ta'aposeli 28:14

Texali ne la tavivinge talopala se'i a mixoxolu. Laso ane'i mialixe mo noxi'a texolu viki vile loloni. Mukalu la telutu telai texali avile ne Lomu.