Ta'aposeli 6:1 - Ata New Testament

¹ Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Ta'aposeli 6:1 Referans Kwoze

Ta'aposeli 4:35

Ulosi'a ta'aposeli mukalu laso ane'i ivelunui'a tamitema ane la'ilali uasi.

Ta'aposeli 2:41

La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.

Tiemisi 5:9

Tavivilo, ngakalakalapu noxinge ngato'o mamu xo loxo 'o io Mosinge utilovosou ilixomengi kalumo lexe masua. Ngalomu, anu ane so utilovosou mi ma'ia ta'oxonu a unene'e mo a no aitenga sesi.

Ta'aposeli 9:39

Mivikalanu la Pita mulutu so oli'a milai. Milutu xo xe mixali ne Iopa la ane'i mitelaixu Pita no ngiou ane vasimele Tavita uai no anu. La tasema ane tamului'a misoisoli mukalu mine'e mitulu alai noxou Pita mo mitatama. Mitatama mo mimaxa­maxa'u lakolosi xe lasioti ane Tavita mi'oxonu no voxo loxo mimaulisio.

Ta'aposeli 6:7

Ioxe, laso vaikala noxou Mosinge musukusuku la navasi'a tamitema so lopala ne Ielusalemo mutiatila e mutiatila manina. Mo tapilisiti tapiena kalumo milomuxu Mosinge vaikalaou mo milopala.

Ta'aposeli 2:47

La ane'i mixolu mi'itinu Mosinge ualasou mo tamitema mimaisi'a la mi'oxo lexe ilixo noxi'a ne laixe. La voxo utotomu Tatananenge mupa­mau­­line'i se'ila, ka mupitane'i kalumo noxi'a tamitema so lopala.

Pilipai 3:5

No anu lavulo'o noxilo la exolu xe no anu voxo 8-sou la mi'oxonu sosovo no anu vasimelo. Eni itema Isilaeli no laili noxou Peniamini. Vaikalaxeli Ipilu u'isalili aloxo papa olie atie. Mo opoleli mututuluou lo no anu vote'i e noxi'a Tapalisi.

Ta'aposeli 11:20

Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.

Ta'aposeli 9:41

Mita­lupexa laso Pita mutila'e mitulu. Mukalu la anu mu'avali'a talopala xe tasema tamului'a misoisoli mi'una mo muvikala lexe, “Nga­malei, mimauli”.

Ta'aposeli 9:29

Mo voxo tavu'alo oli'a Taiuta ane ivikala Kiliki mivivikala. Xe mune'e la oli'a mi'oto'oto no anu vaikala, la ane'i Takiliki ne la'iaxa'a mo mikamulinu vote'i so ivau Sauli usoli.

Ta'aposeli 5:14

Mi'ume'a axone ia tamitema tapiena milolopala noxou Tatana­nengesi. Milolopala laso ane'i mitoxo noxi'a talopala.

Ta'aposeli 4:4

Mikalavusune'i ia tamitema tapiena e tapiena ane milomusou votovoto ne milopala, la navasi'a muxali 5000.

Ipilu 13:1

Ioxe, ngingi tavivingesi ane, laso ngaxolu ngasexelangenge ulai axonesi.

2 Kolini 11:22

Xo axova, ane'i i'oxo lexe ane'i vaikalai'a Ipilu, ne? Ua, eni kalumo Ipilu a. Xe i'oxo lexe ane'i so laili Isilaeli, ne? Ua, eni kalumo Isilaeli a. Xe i'oxo lexe ane'i ta'ilusunu Apala'amu, ne? Ua, eni kalumo ilusunu Apala'amu a.

Ta'aposeli 2:45

Xo aloxo 'o, loxo vile noxi'a uno'u lamoli so lia o mi ma'ia, la anu uvelunu noxi'a ane'i ane loxo umaisi'a lexe la'ilalixa'a uasi o xoluxolu noxi'a masuasi.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Tiemisi 4:5

Xo lavukuou Mosinge uvikala aloxo 'o, “Mosinge oponu pakia'u manina lexe ulenenge vilevilesi ane mumulaxu nonano noxinge la ulolomu noxousi, uiaveiaveou mimi se'ila uasi.” Ia axova, nge'oxo lexe vaikala ne mi vitanisi?

Tiemisi 1:27

Vote'i ane malemalenga mo mulapu no iou Mosinge anu Maminge so tamulinu masaxa noxou aloxo 'o. Tavu'uline'i tamolomolo ane ta'oloxola xe tasema ane tamului'a misoisoli mo tasu'uline'i no anu tu'utu'umaxu noxi'a. Xe aloxo 'ola, taxolu va'axu no anu ili'ilixo masua so lialia 'o mo so anu utei uxolu noxinge uasi.

1 Timoti 5:9

Loxo ngakaukavunu ualaua­lasi'a tasema so ngasaxila'a ne, la ngailoune'i tasema ane tamului'a misoisoli kaini aloxo 'o. Sema ane tau ie xe uua'ulixu 60 mo ane mitaula'ixu itema vilesisi.

1 Kolini 10:10

Xe mamu so ngakalapu aloxo ane'i Ta'isilaeli ne mi'oxonu. Xo mika­lapu la angelo so mamulo muve'a­ve'a tavu'alo misoisoli.

Ta'aposeli 5:28

“Loxova? Mala'o nexi te'apingenge lexe ngavotovoto no anu uala anene mamu. Ia ngingi ngea'alo ngea'alosi. La a'alo mu­su'a­sou Ielusalemo avile mo ngingi ngato'omexe no anu soli noxou.”

Ta'aposeli 6:2

Xe ta'aposeli 12 milo­musou vaikalai'a axone la mi'avali'a talopala mine'e mipita. Mipita la mivikala lexe, “Nexi ta'au'au no anu xaixai noxixe so vaikalaou Mosinge. Laso umo­momo so nexi tatavulenu xaixai ane so tavelunu la'ilali kalumo uasi.

Ta'aposeli 11:26

Mulai mukamulinu Sauli xo xe muxalisoui laso ilou milivu ne Anitioki. La ilou mixolu tau ie vile loloni. Ilou mixolu la utotomu mipita no anu pita noxou Tatana­nenge ne Anitioki mo mivotone'i tamitema tavu'alo e tavu'alo. La no tuala anene anu tei manina noxi'a so tamitema mimo­xo'a talopala lexe “tamitemaou Kalaisiti”.

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Lomu 12:7

Loxo itema vile so su'uli la anu usu'ulisi. Xe loxo itema vile tisa so votovotoe la anu uvotovotosi.

1 Timoti 5:3

Xe loxo tasema ane tamului'a misoisoli mo evile so ino'u su'uli noxou uasi la nasaxila'a laixe.