Ta'aposeli 4:36 - Ata New Testament

³⁶ Ioxe, vile noxi'a ualasou lexe Iosepu. Ta'aposeli mivotongalelenu lexe Vanavasi, xo laxu lexe, “itema so su'uli”. Iosepu ne anu so laili Livai ia molu no ailani ilemolu lexe Saipilasi.

Ta'aposeli 4:36 Referans Kwoze

Xalesia 2:13

Xe ane'i Taiuta mukalusi kalumo mipita no anu kakalavoi noxou to ne. Mo ili'i la kalavoi noxi'a ne mulapunu Vanavasi mole mu'una noxi'a kalumo.

Xalesia 2:9

Xe ane'i ane ualasi'a lexe tatiatila no anu pita e Tiemisi xe Pita xe Tioni ne mitongonu lexe Mosinge muiaiama so mulosilo xaixai ano'o u'isalili. Laso ane'i misixalinexi noxou Vanavasi so imaxa'u lexe nexi noxi'a oponexi vilesisi no anu xaixai noxixe. Mo mipilixinexi axone so nexi taxa­xaisi'a tamitema noale'ale xe ane'i so si'a Taiuta.

Xalesia 2:1

Ioxe, tau ie 14 mupolo mukalui la nexi noxou Vanavasi telai ne Ielusalemo. Telai la teno'u Taitusi so noxi'a.

Ta'aposeli 15:39

Laso ilou mipelesou anaxa'asou mi ne sila mikalipala. Vanavasi ilou Maki mitelo no anu lasipi la milai no ailani Saipilasi.

1 Kolini 9:6

Ngingi nga'osa so ngasu'uline'i tavivixe no anu xaixai 'o axone. Ia axova, nexi nexisisi noxou Vanavasi taxaxai no avoxe so mexe tano'u la'ilalinexe? Nexisi laiti uasi no anu su'uli noxinge ne?

Ta'aposeli 21:16

La ane'i talopala se'i so tuala ne Sisalia misaxanexi. Misaxanexi xo la milaixixe no tani noxou Nasoni so taxolu ne. Anu so Saipilasi mo anu lopala vile tei manina.

Ta'aposeli 15:37

Vanavasi mu'osasou vaikala ne xe mu'oxo lexe oli'a Tioni e ualasou vilela lexe Maki.

Ta'aposeli 12:25

Xe Vanavasi ilou Sauli mikalusou xaixai noxi'a ne Ielusalemo la oli'a Tioni Maki milivu milai ne Anitioki.

Ta'aposeli 11:30

Mipitanu mukalu laso milosi'a Vanavasi ilou Sauli so ilaixu noxi'a tamitema so saxila'u ne Iutea.

Ta'aposeli 15:12

Pita mupilixinu vaikala axone mukalu la ane'i latala mixolu tasiausi. Mo mixolu milomusi'a Vanavasi ilou Polu so mia'aloi'a no anu sosovo so xavi iouiou Mosinge mu'oxonu no avo'a no taine'i tamitema noale'ale.

Ta'aposeli 15:2

Ia Polu ilou Vanavasi milomusou vaikalai'a ne la ilou mixiliie'ixu la oli'a mi'oto no anu vaikala. Mi'oto xe imomomo so ilovonixu mi ne uasi laso talopala mipalusi'a Polu ilou Vanavasi xe tamitema se'i milai ne Ielusalemo. Mipalusi'a ilai so ipilixinu mi ne noxi'a ta'aposeli oli'a tamitema so saxila'u mo so itilovosou.

Ta'aposeli 9:27

Ia itema vile ualasou lexe Vanavasi muno'u Sauli mo mulaixu noxi'a ta'aposeli. Mulaixu mo mua'aloi'a lexe Tatananenge mupala'a mo muvikala noxou Sauli no vote'i. Mo mua'alo lexe Sauli muvotovotosou Iesua ne Tamasi­kusi no anu xavisi.

Maki 3:17

Xe Tiemisi ilou vimou Tioni e Sepeti ta'olu. Ane'i tamei ne Iesua muvotongalelene'i lexe Tapoanexesi xo laxu lexe tamitema so su.

Ta'aposeli 13:1

Ioxe, no anu pita noxou Tatananenge ne Anitioki ne tamitema so pela'a xe tatisa so votovoto se'i a mixoxolu. Ualaua­lasi'a aloxo 'o. Vanavasi xe Simioni ualasou vilela lexe Nixeli xe Lusiusi so tuala Sailini xe Sauli xe Manaini. Manaini ne anu menexu itema tila no anu xamani so xale lia ne, ualasou lexe Eloti.

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Ta'aposeli 13:4

Ioxe, ilou milutu la Ulenu Laixe mupamuxane'i so ilou milai no tuala ne Selusia. Mixali ne Selusia la mitelo no lasipi so ilou milai no ailani vile no luaki ne Saipilasi.

Ta'aposeli 13:15

Ane'i tatiatila no anu tasou lavuloto ne mi'itisou pa'usou no anu lo e Mosisi mukau­kavunu tatei xe vaikalai'a tapolo­peti. Mukalu la mitali'isi'a ilou lexe, “Tavivixe, loxo ngilou pelo­toto vile so ngapilixinu noxi'a tamotu 'o, la ngalemolusi.”

Ta'aposeli 21:3

Tetelo no anu lasipi ne xe teiave teiave. Teiave xo la tesu'anu iexi loxo 'o la ailani Saipilasi muxolu no avoxe kaisi. Teiave xo xe tepolopepenu la telai avile tesua no tuala ne Taili no anu Silia polovinisi. Lasipi mulai ne xo mulu'enu lakako se'i.

Ta'aposeli 27:4

Texolu xe ili'i telutula la telai noale no luaki. Ia sivo molu loxo no laxunexi mune'e xe mutanuxu lasipi xo mutavulenu laseli. Laso tepolo no tumalou ailani Saipilasi so tatalume no sivo.

1 Kolini 14:3

Ia tamitema so pela'a, la vaikalaou Mosinge ilanu ne so u'oxonu pakia'a mo u'avutinoxu osa mo umamatolane'i tatemanu pita mukalusi.

Kolosi 4:10

Ioxe, Alisitakusi e noxou taxolu takalavusu 'o muvikala aso noxinge. Xe Maki e Vanavasi vimou tavuna anu kalumo ukalanu aso noxinge. Loxo une'e noxinge la nga'osasou so nga'unanu noxinge aloxo ele­molu no anu vaikala ekalanu noxinge mukalu.