Ta'aposeli 4:32 - Ata New Testament

³² Xe ane'i talopala mixolu opone'i mo xavutalai'a vilesisi. Laso vile noxi'a u'apisou mimiou noxi'a leviani uasi, ane'i mivelunui'a ngato'osi.

Ta'aposeli 4:32 Referans Kwoze

1 Kolini 1:10

Tavivilo, eni atama pakia'u noxinge no anu ualasou Tatana­nenge Iesua Kalaisiti lexe ngingi mukalusi ngaxolu opongengi vilesisi. Ngingi ngakalipalangengi no taingengi ngato'o uasi. Ngaxolu xavutalamengi vilesisi mo nga­tilovo vilesisi.

1 Pita 3:8

Ioxe, telexu vaikalaxeli aloxo 'o. Ngingi mukalusi ngaxolu opo­ngengi vilesisi mo tangengingenge xe ngasexelangenge ngato'o xo ngingi tavivinge no anu lopalasi ane. Xe nga'oxonu alaunasi'a tamitema mukalusi mo ngalu'e­ngengi noxinge ngato'o.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

Ta'aposeli 2:1

Ioxe, no anu voxo tatila noxi'a Taiuta e ilemolu lexe Penikosi la ane'i talopala mukalusi mixolu mipita tanixa'a vilesisi.

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

Ta'aposeli 1:14

Ane'i mixoxolu la utotomu mipita mo mivikala noxou Mosinge. La Malia Iesua nenu oli'a tasema se'i xe Iesua tavimovimou, ane'i kalumo ilavusou ine'e ipita noxi'a ta'aposeli.

Tioni 17:11

Eni a so ane'e noxine mo axolu no lialia 'ola uasi. Io ane'i tamitemaxeli 'o la ixolu no lialiasio. Laso Papa, nini ane xoluxoluxene mukalipala xo malemalengamo, nalaxa'ine'i no anu xavinu ualasinesi. Anu uala e nepilixinu lexe ualasilo 'o. Nalaxa'ine'i mo so ane'i ixolu vilesisi aloxo nenge nengei vilesisi.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

Lomu 12:5

La anu axonesi nenge Mosinge ta'olu loxo vasimolu Kalaisiti. Nenge tavu'alo musuku ia noxou la nenge vilesisi xo nenge vasimolu pa'upa'usou ane.

Ta'aposeli 5:12

Ioxe, ta'aposeli mi'oxonu sosovo so xavi iouiou no taine'i tamitema. La tamitema so lopala milavusou mipita voxo utotomu no tasou Mosinge no mataunaxu e ilemolu lexe noxou Solomoni.