Ta'aposeli 4:27 - Ata New Testament

²⁷ Mosixe, manina misevile, ane'i Eloti ilou Ponitiasi Pailati oli'a Ta'isilaeli xe tamitema so tuatuala noale'ale, ane'i mipita no tuala 'o so milalaxinu opone'i. Milalaxinu opone'i so imasuanu itema so xaixai noxine malemalenga nesosovosou e Iesua no anu vote'i axova.

Ta'aposeli 4:27 Referans Kwoze

Matiu 27:2

Mukalu la misakinu Iesua mo milaixu mipilixinu no anu Pailati avolu.

Ta'aposeli 4:30

Mo nini namexinu avone so napamaulinu tamitema vasime'a xe na'oxonu sosovo so xavi no anu ualasou Itemameni malemalenga Iesua.”

Luku 9:22

Mo muvikala aloxo 'o, “Eni amitema melo noxou Mosinge 'o atavulenu tu'utu'umaxu tavu'alo ili'io. Mo tatiatila noxi'a Taiuta xe noxi'a tapilisiti xe tamitema so lavulavu no anu lavuloto ixililiieli. Ixililiieli la ipilixileli noxi'a tamitema so ivelo asoli. Asoli mo vasimelo uai voxo tatalu ka amaulila.”

Ipilu 7:26

Laso ane, Iesua anu laixe umomomo so anu uxolu no anu tanixu pilisiti tatila na'a nenge. Xo anu malemalenga mo ulapu no iou Mosinge. Mi vile nuni'u noxou uasi, uxolu ukalipala avile noxi'a tamitema so susu mo a uxolu teitexi no tualasou Mosinge.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 2:27

Opoleli axone xo nini na'italoleli no tanixa'a tamitema misoisoli uasi. Mo napilixileli eni amitemameni amalemalenga a'ui no lamatimati uasi.

Tioni 19:34

Io ami vile muto'omolu Iesua no vaimolu no anu lalumiso, sila alaxu vilesisi sialu ilou lexa munixi mula.

Tioni 18:28

Ioxe, ane'i Taiuta milanu Iesua no tasou Kaiavasi so milaixu no tasou tila no anu xamani. La anene no kakau manina. Milaixu no tasou tila ne ia ane'i me'a i'unalai uasi xo lo noxi'a muvikala lexe mi axone uxalixi'a nuni'a no iou Mosinge, la mimasaxau ixolu malemalengasi mo so ipita i'ani no anu lavilelu so Mualasi'a.

Tioni 10:36

Ia eni 'o, la Maminge molu mukalipalaleli no anu xaixai e mupalusiloxu ene'e no lialia 'o. Laso loxo eni avikala lexe eni Mosinge Olu a, la axova so nga'oxo lexe eni avila'isou Mosinge ualasou?

Tioni 1:11

Anu mune'e muxolu no anu xale lia so laili noxou mu'isalili ia ane'i so laili noxou ne i'osa so i'unanu noxi'a uasi.

Luku 22:63

Ioxe, ane'i e mitetelisou Iesua mimolo sukusou mo mi'otu'otunu.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Maki 15:31

Xe ane'i tatiatila noxi'a tapilisiti xe tami­tema so lavulavu no anu lavuloto ane'i kalumo misukunu mo mivikalane'i ngato'o lexe, “Anu mupamauline'i leviani ia anu molu umomomo so upamaulinu uasi.

Maki 10:33

Muvikala lexe, “Ngalomu. Nenge talai ne Ielusalemo 'oe. Evile so upilixinu Itema ane molu noxou Mosinge no avo'a tatiatila noxi'a tapilisiti xe tamitema so lavulavu no anu lavuloto. La ane'i ne imolo soli noxou mo i'italonu no avo'a tamitema noale'ale so ivau usoli.

Matiu 23:37

Xe Iesua muvikala aloxo 'ola, “Uo Ielusalemo, Ielusalemo. Nini nalavusou nave'ave'a tapolopeti isoisoli xe tamitema e Mosinge mupalusi'a mine'e noxine la napalexa'a no anu lavo'o so isoli. Alaxu tavu'alo eni emasaxau apitane'i tamitemameni aloxo koko'a ipitane'i tailie no laxu vivisie, ia ane'i imasaxau to uasi.

Matiu 21:28

Ioxe, Iesua muvikalane'i tatiatila ne aloxo 'o, “Eni a'oxonu latilovo so atali'isinge no anu. Aloxo 'o. Itema vile ta'olu tatamei. La mulai noxou anu ane tei mo muvikalanu lexe, 'Alixeli, nalai naxaxai no anu xai so uaini.'

Matiu 14:1

Ioxe, no voxo ne la tila no anu xamani e Eloti mulomusou a'alosou Iesua.

Matiu 14:3

Xo aloxo 'o. Tatei Eloti mutau­la'ixe Elotiasi e vimou Pilipi semau. Mixolu xo xe ili'i la anu mupalusi'a ta'amiou so mitetelisou Tioni mo miloilokisou ka mikalavusunu.

Matiu 14:6

Ioxe, voxo vile ili'i la muali'a se'i mine'e no anu lavilelu so isoso­vosou lavulo'o noxou. Mixolu mi'ani la Elotiasi ilie vuanga mine'e milei no taine'i sila Eloti mu'osasou leiie misevile.

Luku 23:1

Ioxe, tatiatila mukalusi ne mi'a­vuti la milaixu Iesua so itulusou no laxunu Pailati.

Tioni 18:29

Laso ane'i mixolu noale io Pailati mula noxi'a la mutali'isi'a lexe, “Ngatulusou itema ano'o no anu susu mi ma'ia?”