Ta'aposeli 3:6 - Ata New Testament

⁶ Ia Pita muvikalanu aloxo 'o, “Eni lamoli uasi, ia mi ane uxolu noxilo, la alosinesi. No anu ualasou Iesua Kalaisiti so Nasaleti avikalaneni aloxo 'o. Natulu mo namuamua'i.”

Ta'aposeli 3:6 Referans Kwoze

Ta'aposeli 3:16

Nexi noxou telopala noxou Iesua laso tepai­pounu itema ngamaisou mo ngalavusou 'o no anu ualasou Iesuasi. Lopala noxixe noxou Iesua mo ualasousi muxalixu pamauli loloni loxo ngingi ngamaisou 'o.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Ta'aposeli 9:34

La Pita muvikalanu aloxo 'o, “Aineasi, alala'e 'osi Iesua Kalaisiti upaipou­neni. Natulu mo nano'u lusine.” Sila anu mutulu alaxu vilesisi.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

Ta'aposeli 16:18

La voxovoxo utotomu ane mi'ava'ava axone. Mi'ava'ava axone mune'e mune'e sila Polu oponu tu'umaxu laso anu muxiu muvikala noxou angelo masua ne lexe, “Eni apalusine no anu ualasou Iesua Kalaisiti lexe naxexesie sema ne mo nalai.” Sila alaxu vilesisi angelo masua muxe­xesie.

Maki 16:17

Ane'i ane ilopala la Mosinge u'oxonu sosovo so xavi no avo'a so umaxa'u lexe mi ne maninasou. Xo no anu ualasilo la ikusai'a ta'angelo tamasua mo ilemolu tokipelesi iouiou ane ilavusou tei uasi.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

1 Pita 4:10

Mosinge mu'o­xonu laixe so mu'itimengi ngingi vilevilesi lavulavu no anu xaixai iouiou. Ngingi ngexalisou nene'axu iaiama noxou e ngiou­ngiou no anu misevile axone laso ngalaxa'inu laixe mo ngaxaxaisou so ngasu'ulingengi ngato'o.

Ta'aposeli 4:7

Mipita mukalu la mi'avali'a Pita ilou Tioni mine'e so itulusi'a no laxune'i. La mitali'isi'a aloxo 'o, “Ngingi ngexalisou xavi axova o nge'oxonu mi ne no anu ualasou ena'ei?”

Ta'aposeli 2:22

La Pita musolonu vaikalaou aloxo 'ola, “Ta'isilaeli, ngalomu. Iesua so Nasaleti mu'oxonu sosovo so xavi iouiou no taingengi. Anu mu'oxonu sosovo ngemaisou ne, ia Mosinge molu mu'oxonu noxou so upela'inge lexe anu molu noxou Mosingesi.

Ta'aposeli 2:36

Pita muvulunu vaika­laou Teviti ne mukalu la muvikala aloxo 'ola, “Ngingi Ta'isilaeli mukalusi ngalamana lexe Iesua e ngelilinu no ovu valautu ne, Mosinge musosovosou lexe anu Kalaisiti mo anu Tatananenge.”

Matiu 10:9

Xe loxo so ngalailai la ngata­xusou koli o siliva o koinisi sevile so ngatanu no anu ulu'ulu uasi.

Matiu 7:22

Laso no voxo olele la tamitema latala ivikalaleli lexe, 'Tatananexi, Tata­nanexi. Nexi e te'oxonu xaixai so pela'a no anu ualasine a. Xe no anu ualasinesi tekusai'a ta'angelo tamasua mo te'oxonu sosovo so xavi a no anu ualasine nesi.”

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

Tioni 19:19

Xe aloxo 'o. Pailati mupilixinu vaikala so lexe kaukavu vile ulili teitexi no anu ovu valautusou Iesua. Kaukavu ne aloxo 'o, “Ano'o Iesua so Nasaleti, anu kingi noxi'a Taiuta.”

2 Kolini 8:12

Xo loxo itema mimiou axova xe u'osa so usosovosou pa'usou umo­momo no anu ka upilixinu, la Mosinge u'osasou ane. Anu usounu itema ne so uua'ulixu lasixeli ane ulovou mimiou uasisi.

Maki 14:8

Manina, ane vote'i so ilutunu ueli no vasimelo no voxo so i'asixo uasi. Ia ane mi'oxonu lumamo aloxo 'o, la anu laixe kalumo.

1 Kolini 4:11

Mo tateimo mune'e muxali vaimomo 'o nexi taxolu tasolinexe so la'ilali ilou lexa. Mo mimimexi ne muxa­sixasisi. Mo tamitema isavasa­valixe. Mo taxolu tasixe uasi, talili vitanisi.

Ta'aposeli 3:5

La itema ne muma­takisi'a ilou xo mukalavoi lexe ane'i ilosou mi vile ane.

Ta'aposeli 3:7

La Pita mutetelisou no avolu tema so mutulusou. Sila alaxu vilesisi tava'u ilou vo'uvo'uxu pakia'u avile.