Ta'aposeli 3:26 - Ata New Testament

²⁶ Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Ta'aposeli 3:26 Referans Kwoze

Matiu 1:21

La ane ivo'onu ilie mulu la nini namoxo'u lexe Iesua, xo anu ane so upamauline'i tamitemaou no anu susu noxi'a.”

Ta'aposeli 3:22

Xo Mosisi mule­molu vaikala vile aloxo 'o, 'Mosinge anu Tatana­nenge anu utulusou polo­peti vile no anu laili noxinge uxali loxo eni 'o. La ngingi ngalomuxu mi ma'ia anu ulemolu noxinge.

Iuti 1:24

Ioxe, Mosingesi umomomo so ulaxa'ingengi mo so ngatulaki ngalapau uasi. Mo anusi umo­momo so uxalixinge no anu tanixu iaxu no tualasou. Xe loxo ngatulu no iou ne la no anu osa'ilasi xo susu vile noxinge so usaxisou uasisi.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Ta'aposeli 3:25

Ngingi laili noxi'a tapolopeti, mo vavalima e Mosinge mu'oxonu noxi'a ta'ilusungengi la mulu'e muxali noxinge vaimomo 'o. Xo muvikalanu Apala'amu aloxo 'o, 'Tamitema so xale tuatuala muka­lusi ixalisou su'uli noxi'a laili noxine.'”

1 Pita 1:3

Nenge'a ta'itinu ualasou Mosinge e Mosou xe Momu Tatananenge Iesua Kalaisiti xo anu mu'alauna­singe misevile aloxo 'o. Anu mutulusou Iesua Kalaisiti no anu soli la no anu vote'i anene muxa­lixu mauli alavua noxinge. Laso maixene nenge'a talopalanu taxomaiou mauli ane tasiauxula uasi.

Epesusi 1:3

Ioxe, nenge ta'itinu ualasou Mosinge e anu Momu Tatananenge Iesua Kalaisiti. Xo mi ma'ia so xoluxoluxu ulenenge no tualasou la anu mulosinge mukalu. Anu mulosinge axone xo taxolu noxou Kalaisiti.

Lomu 15:29

Apolo noxinge la alavu lexe Kalaisiti ulosilo su'uli lailaixe.

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

Ta'aposeli 3:15

Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne.

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

1 Pita 3:9

Xe loxo tamitema isusunixinge la ngasu­sunixi'a so ngakoline'i uasi. Xe loxo ivikalasinge masua la ngakoline'i no anu vaikala masua uasi. Ngakoline'i aloxo 'o. Nga­lingau su'ulisou xoluxoluxa'a noxou Mosinge, xo mi e mu'ava­lingexu a so ulosinge xoluxolu laixe.

Ta'aposeli 13:26

La Polu muvikalala lexe, “Tavivilo, ngingi laili noxou Apala'amu xe ngingi tamitema so noale'ale ane ngamama'u noxou Mosinge, ngalomu. Vaikala so pamauli ano'o muxali noxinge nenge'a.

Ta'aposeli 3:20

Xo axone la anu upalu­sou itema ane anu musoso­vosou so usu'ulingengi e Iesua.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Matiu 15:24

La Iesua mukoline'i lexe, “Mosinge mupalusilo ene'e so su'ulisi'a tasipisipi no anu laili noxi'a Ta'isilaelisi e milusi.”

Tioni 4:22

Ngingi Tasamalia ne nga'itinu Mosinge ualasou ia anu la ngalavusou to uasi. Io nexi Taiuta 'o ta'itinu ualasou mo nexi a telavusou manina, xo vote'isou pamauli a noxixe 'osi.

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Ta'aposeli 3:13

Ngalo­mu. Mosinge e Mosi'a Apala'amu xe Aisaki xe Iakovo xe ta'ilusu­nenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau.

Lomu 15:8

Xo Kalaisiti mune'e la anu itema so xaixai. Anu muxaxaisi'a Ta'isi­laeli so mupalasinoxu vavalima noxou Mosinge e mu'oxonu tatei noxi'a ta'ilusune'i. Mupalasinoxu vavalima ne so ilavu lexe anu manina.