Ta'aposeli 3:21 - Ata New Testament

²¹ Ia vaimomo 'o anu a uxoxolu no tualasou Mosinge so uxomaiou voxo ane Mosinge musoso­vosou lexe anu upaipounu mimi mo ulivunoxu uxolu laixe loxo tei manina. Mosinge molu muvikala axone no anaxa'a tapolo­petiou tatei.

Ta'aposeli 3:21 Referans Kwoze

Lomu 8:21

Xo vaimomo anu mimi anu loxo uxolu ukalavusu xo u'uiui mo uxaloxalosi. Ia ili'i la Mosinge ta'olu ixalisou xoluxolu lalavulusi. Mo axone, la mimi ane Mosinge mukokoinu ne uxalisou xoluxolu laixe kalumo.

Ta'aposeli 1:11

“Ai, tamitema so Xalilio, loxova so ngatulu ngasaxi utelo vitanisi aloxone? Mosinge muno'u Iesua no taingengi alala'e 'o so ulaixu teitexi no tualasou. Ia ili'i la anu ulivu une'e no anu vote'i ane loxo ngemai­sou mutelai no anu 'o.”

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Luku 1:70

Loxo tatei e anu molu mua'alo no anu anaxa'a tapo­lopetiou.

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

2 Pita 1:21

Xo vaikala so pela'a vile tava'u no anu masaxa noxou itemamo uasisi. Vaikala ne muxali loxo Ulenu Laixe mu'avu­tinixi'a tami­tema so milanu vaikala ane molu noxou Mosingesi.

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Ta'aposeli 3:20

Xo axone la anu upalu­sou itema ane anu musoso­vosou so usu'ulingengi e Iesua.

Ipilu 1:1

Tatei loxo no voxovoxo xe no anu vote'i iouiou la Mosinge mupolonu vaikalaou noxi'a tapolopeti mo so muxali noxi'a ta'ilusunenge.