Ta'aposeli 3:16 - Ata New Testament

¹⁶ Nexi noxou telopala noxou Iesua laso tepai­pounu itema ngamaisou mo ngalavusou 'o no anu ualasou Iesuasi. Lopala noxixe noxou Iesua mo ualasousi muxalixu pamauli loloni loxo ngingi ngamaisou 'o.

Ta'aposeli 3:16 Referans Kwoze

Ta'aposeli 14:9

Itema ne a muxolu ulomusou Polu muvotovoto. Sila Polu muma­takisou mo mutongonu lexe anu a mulopala lexe loxo Mosinge umasaxau, la anu upamaulinusi.

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Ta'aposeli 3:6

Ia Pita muvikalanu aloxo 'o, “Eni lamoli uasi, ia mi ane uxolu noxilo, la alosinesi. No anu ualasou Iesua Kalaisiti so Nasaleti avikalaneni aloxo 'o. Natulu mo namuamua'i.”

Ta'aposeli 16:18

La voxovoxo utotomu ane mi'ava'ava axone. Mi'ava'ava axone mune'e mune'e sila Polu oponu tu'umaxu laso anu muxiu muvikala noxou angelo masua ne lexe, “Eni apalusine no anu ualasou Iesua Kalaisiti lexe naxexesie sema ne mo nalai.” Sila alaxu vilesisi angelo masua muxe­xesie.

Matiu 9:22

Ia Iesua muxiu loxo 'o mo mumaisie la muvikala lexe, “Alixeli, oponeni uai se'isisi. Nini nelopalaleli laso a laixeneni ne.” Sila alaxu vilesisi sema ne laixenesi.

1 Kolini 13:2

O loxo eni exalisou lavulavu so pela'a no anu Mosinge vaikalou mo alavu no anu lavulavu e mutalume tatei. Mo kalumu loxo lopala noxilo xavinu so uvalanu la'ola'olu usuku no tanitanixu alavua. Ia loxo asexelaxa'a tami­tema uasi la lavulavu ilou lopala ne anu mi vitanisi ane.

Tioni 14:12

Eni avikalangengi manina e maninasi, itema ena'ei ulopalaleli la anu kalumo u'oxonu xaixai aloxo eni a'oxonu 'o. Ani, mo u'oxonu xaixai uua'ulixu ane noxilo 'o xo eni a so alai noxou Mamilo.

Ta'aposeli 4:7

Mipita mukalu la mi'avali'a Pita ilou Tioni mine'e so itulusi'a no laxune'i. La mitali'isi'a aloxo 'o, “Ngingi ngexalisou xavi axova o nge'oxonu mi ne no anu ualasou ena'ei?”

Ta'aposeli 3:8

La anu muili'e mutulu mo mu­mua­mua'i. Mumua­mua'i la oli'a mi'unalai no tasou Mosinge. Mu'u­na­­lai la muili'eli'e la mu'iti'itinu Mosinge ualasou.

Ta'aposeli 4:30

Mo nini namexinu avone so napamaulinu tamitema vasime'a xe na'oxonu sosovo so xavi no anu ualasou Itemameni malemalenga Iesua.”

Tioni 7:23

Ngingi ngalavusou ngaxotosou vasime'a ta'ilinge no anu Voxo so Ma'ila kalumo axone xo opongengi ututulu lexe mamu so ngaxola'u lo noxou Mosisi. Ioxe, laso loxova so la'iangenge'ilo so epaipounu itema olele laixenu avile no anu Voxo so Ma'ila?

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

Matiu 14:29

La Iesua mu'oxo lexe, “A nane'esi.” Laso Pita mulu'e no pouti ka mumuamua'i no kupa loxo'u so ulai noxou Iesua.