Ta'aposeli 3:15 - Ata New Testament

¹⁵ Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne.

Ta'aposeli 3:15 Referans Kwoze

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.

Mupala'a 21:6

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Ipilu 2:10

Mosinge anu tava'u so mimi mukalusi muxali mo anu tava'u so mimi a uxoxolu. Ioxe, anu masaxa noxou Mosinge lexe ta'olu tavu'alo i'unalai ixolu no anu xoluxoluxu iaxusi. Laso anu muxalixu vote'i­sou mi ne u'isalili a noxou Iesuasi. Xo anu mutavulenu navunavu laso anu laixe loloni so mutulu mosou pamauli noxi'a Mosinge ta'olu ne.

1 Kolini 15:45

Xo no anu Mosinge vaikalaou la muvikala aloxo 'o, “Mosinge mulosou itema tei e Atamu tauxu so mauli no vasimolu.” Xe mune'e la itema tameisou e Kalaisiti la mulosinge mauli so ulenenge.

Tioni 5:26

Xo Maminge anu tava'u mauli xe mulosou Olu tanixu anenesi so anu kalumo uxolu tava'u mauli.

Tioni 1:4

Anu ne a tava'u maulisi, mo mauli ne anu lamanasi'a tamitema.

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Tioni 10:28

La eni alosi'a mauli kaluxu uasi mo ane'i imamulo uasisi xe evile utokine'i ixexe no avolo uasisi.

Epesusi 1:20

No anu xavi nesi la mutulusou Kalaisiti no anu soli. Mutulusou la mulaixu mutalupe­xasou no avolu tema no tualasou laixe.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.

Luku 24:48

Xo ngingi menge ngemaisou mimi ano'o laso ngaa'aloxu.

Ta'aposeli 4:2

Mixali noxi'a xo milomu lexe ilou ivotone'i tamitema lexe Mosinge mutulusou Iesua mu'umenu no anu soli. La la'iaxa'a xo mi'oxo lexe vaikala noxi'a ilou ne uxalixu xavutala lexe ili'i la tamitema latala imauli no anu soli kalumo.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.